გიორგი ღოღობერიძე უკრაინაში მიდის

ექიმი, გიორგი ღოღობერიძე უკრაინაში მიდის. ამის შესახებ მან სოციალურ ქსელში გავრცელებულ ვიდეომიმართვაში თქვა.

„დიდხანს ვიფიქრე და საბოლოოდ გადავწყვიტე, მეც უშუალოდ ჩავსულიყავი იქ, სადაც ახლა ძალიან სჭირდებათ ჩვენი, ექიმების დახმარება. ძალიან ბევრი ქართველი ექიმი ჩავიდა...

ჩვენ თავის დროზე, როცა გვიჭირდა, უკრაინელი ხალხი გვერდში დაგვიდგა, არ იქნებოდა სწორი, მე თბილისში დავრჩენილიყავი და მხოლოდ ვიდეომიმართვით გამომეხატა ჩემი თანადგომა. ვფიქრობ, რომ იქ ჩასვლა საჭიროა. ამ შემთხვევაში ჩვენ უფრო ბევრის გაკეთება შეგვიძლია“, – აცხადებს გიორგი ღოღობერიძე.