განვიხილეთ პრეზიდენტ ბაიდენთან ჩვენი სამშვიდობო ფორმულა, მან მხარი დაუჭირა ჩვენს სამშვიდობო ინიციატივას - ზელენსკი

თქვენი ფული არ არის ქველმოქმედება, ეს არის ინვესტიცია გლობალურ უსაფრთხოებასა და დემოკრატიაში - ეს განცხადება უკრაინის პრეზიდენტმა უკვე ამერიკის შეერთებული შტატების კონგრესის ტრიბუნიდან გააკეთა. ვოლოდიმირ ზელენსკიმ ამერიკის მიერ გაწეულ ფინანსურ დახმარებაზე, ასევე რუსეთის წინააღმდეგ სანქციების გაძლიერებასა და უკრაინაში მიმდინარე ომის შესახებ ილაპარაკა. ბრძოლებზე საუბრისას პრეზიდენტმა კონგრესს საჩუქრად გადასცა ბახმუტიდან ჩატანილი უკრაინის დროშა უკრაინელი ჯარისკაცების ხელმოწერებით.

"შარშან ბახმუტში 70 000 ადამიანი ცხოვრობდა. ახლა მხოლოდ რამდენიმე მშვიდობიანი მოქალაქეა დარჩენილი. ამ მიწის ყოველი სანტიმეტრი სისხლით არის გაჟღენთილი. დონბასი რამდენჯერმე გადავიდა ხელიდან ხელში სასტიკი ბრძოლით, მაგრამ უკრაინული დონბასი დგას. რუსები ყველაფერს იყენებენ, რაც აქვთ ბახმუტისა და ჩვენი სხვა ლამაზი ქალაქების წინააღმდეგ, ოკუპანტებს აქვთ მნიშვნელოვანი უპირატესობა არტილერიაში. მათ აქვთ უპირატესობა საბრძოლო მასალაში. მათ აქვთ ბევრად მეტი რაკეტა და თვითმფრინავი, ვიდრე ოდესმე გვქონია, მაგრამ ჩვენი თავდაცვის ძალები მყარად დგანან.

თქვენ შეგიძლიათ გააძლიეროთ სანქციები, რათა რუსეთმა იგრძნოს, თუ რამდენად დამღუპველია მისი აგრესია სინამდვილეში. ნამდვილად ფლობთ ძალაუფლებას, დაგვეხმაროთ, პასუხისგებაში მივცეთ ყველა, ვინც ეს არაპროვოცირებული და კრიმინალური ომი დაიწყო. მოდით, გავაკეთოთ ეს. დაე, ტერორისტმა პასუხი აგოს აგრესიის გამო და აანაზღაუროს ამ ომის შედეგად მიყენებული ყველა ზარალი. ჩვენ გვჭირდება მშვიდობა. დიახ, უკრაინამ უკვე წარადგინა წინადადებები, რომლებიც ახლახან განვიხილეთ პრეზიდენტ ბაიდენთან, ჩვენი სამშვიდობო ფორმულა - 10 პუნქტი, რომელიც უნდა განხორციელდეს ჩვენი ერთობლივი უსაფრთხოებისთვის და სამიტი, რომელიც შეიძლება ჩატარდეს. მოხარული ვარ, გაგიზიაროთ, რომ დღეს, პრეზიდენტმა ბაიდენმა მხარი დაუჭირა ჩვენს სამშვიდობო ინიციატივას.

თითოეულ თქვენგანს, ქალბატონებო და ბატონებო, შეგიძლიათ დახმარების აღმოჩენა განხორციელებაში, რათა უზრუნველყოთ, რომ ამერიკელების ხელმძღვანელობა დარჩეს მყარი, ორპალატიანი და ორპარტიული. აქ, ფრონტის ხაზია, ტირანია - რომელსაც არ აკლია სისასტიკე თავისუფალი ადამიანების ცხოვრების მიმართ და თქვენი მხარდაჭერა გადამწყვეტია, არა მხოლოდ ასეთ ბრძოლაში, არამედ ბრძოლის ველზე გამარჯვების მისაღწევად გადამწყვეტ მომენტამდე მისვლისთვის.

ჩვენ გვაქვს არტილერია, დიახ, მადლობა. საკმარისია? სიმართლე გითხრათ, ნამდვილად არა. თქვენი ფული არ არის ქველმოქმედება, ეს არის ინვესტიცია გლობალურ უსაფრთხოებასა და დემოკრატიაში, რომელსაც ჩვენ ყველაზე პასუხისმგებლობით ვეპყრობით. რუსეთში გაგზავნილი ასობით ირანული სასიკვდილო დრონი ჩვენი კრიტიკული ინფრასტრუქტურისთვის საფრთხე გახდა. ასე იპოვა ერთმა ტერორისტმა მეორე. მხოლოდ დროის საკითხია, როდის დაარტყამენ ისინი თქვენს სხვა მოკავშირეებს, თუ ჩვენ მათ ახლა არ შევაჩერებთ. ჩვენ ეს უნდა გავაკეთოთ.

როდესაც გუშინ ბახმუტში ვიყავი, ჩვენმა გმირებმა გადმომცეს დროშა. მათი დროშა, ვინც იცავს უკრაინას, ევროპასა და მსოფლიოს საკუთარი სიცოცხლის ხარჯზე. მთხოვეს, ეს დროშა თქვენთვის მომეტანა. კონგრესმენებისთვის, რომელთა გადაწყვეტილებებსაც შეუძლია მილიონობით ადამიანის გადარჩენა. დაე, მოხდეს ამ გადაწყვეტილებების მიღება. დაე, ეს დროშა დარჩეს თქვენთან. ქალბატონებო და ბატონებო, ეს დროშა არის ამ ომში ჩვენი გამარჯვების სიმბოლო. ვდგავართ, ვიბრძვით და გავიმარჯვებთ, რადგან ჩვენ ვართ ერთიანი - უკრაინა, ამერიკა და მთელი თავისუფალი მსოფლიო. დაე, ღმერთი ფარავდეს ჩვენს მამაც ჯარისკაცებს და მოქალაქეებს, დაე, ღმერთი ფარავდეს ამერიკის შეერთებულ შტატებს. ბედნიერი შობა და ბედნიერი, გამარჯვებული ახალი წელი, დიდება უკრაინას!"- განაცხადა ზელენსკიმ.