ფოტოები: საფლავები ეზოებში და განადგურებული ქალაქი: როგორ გამოიყურება გოსტომელი ოკუპანტების გასვლის შემდეგ

კიევის რეგიონის ქალაქი გოსტომელი 35 დღის განმავლობაში ოკუპაციის ქვეშ იყო - რუსეთის არმია მას თავს დაესხა ომის პირველ დღეს, 2022 წლის 24 თებერვალს.

ქალაქი რუსეთ-უკრაინის ომის ერთ-ერთ ცხელ წერტილად იქცა. იქ ბრძოლა ერთი დღეც არ შეწყვეტილა: მტერი დასცინოდა მოსახლეობას და ძარცვავდა მათ.

ამ ხნის განმავლობაში გოსტომელში ოთხასამდე ადამიანი დაიკარგა. ცნობილია, რომ დაკარგულთა ნაწილი ცოცხალთა შორის აღარ არის. ქალაქი თითქმის მთლიანად დანგრეულია, სწორედ ეზოებში შეგიძლიათ ნახოთ მრავალი თვითნაკეთი საფლავი და ჯვარი.

უკრაინული მედია რუსი დამპყრობლების გასვლის შემდეგ გოსტომელიდან ფოტოებს აქვეყნებს:

ქალაქში აეროპორტი სრულიად განადგურებულია.

როგორც ცნობილია, კიევის რეგიონის ქალაქ გოსტომელში ერთკვირიანი კომენდანტის საათი შემოიღეს, რომელიც 7 აპრილის 06:00 საათიდან 14 აპრილის 06:00 საათამდე გაგრძელდება. ამ პერიოდში აკრძალულია ქუჩებში და სხვა საზოგადოებრივ ადგილებში ყოფნა, ასევე ტრანსპორტით ან ფეხით გადაადგილება.

„კომენდანტის საათი“ იმისთვის არის საჭირო, რათა სპეციალისტებმა გაათავისუფლონ ინფრასტრუქტურა და ქალაქი უფრო უსაფრთხო გახადონ ხალხის დაბრუნებამდე.