„დიდი შვიდეულის" ლიდერები ვოლოდიმირ ზელენსკისთან ერთად დღეს ვიდეოკონფერენციას გამართავენ

„დიდი შვიდეულის" ლიდერები უკრაინის პრეზიდენტ ვოლოდიმირ ზელენსკისთან ერთად დღეს ვიდეოკონფერენციის საშუალებით ოფიციალური კიევისთვის გაწეულ დასავლურ მხარდაჭერას განიხილავენ.

გერმანიის მთავრობის ცნობით, ვირტუალური შეხვედრის მასპინძელი გერმანიის კანცლერი ოლაფ შოლცი იქნება, ხოლო უკრაინის პირველი პირი ლიდერებს მის ქვეყანაში არსებულ ვითარებაზე მიაწვდის ინფორმაციას.