ბერდიანსკში ოკუპანტმა მოკლა ადგილობრივი, რომელმაც მას რუსეთში დასარეკად ტელეფონი არ დაუთმო

ბერდიანსკში რუსმა სამხედრომ მოკლა ადგილობრივი მცხოვრები, რომელმაც მას მობილური ტელეფონი არ დაუთმო. ამის შესახებ უკრაინული მედია წერს.

„რუსეთის არმიის სამხედრო მოსამსახურემ ესროლა კაცს, რადგან რუსეთში, სახლში დასარეკად მობილური ტელეფონი არ მისცა. ასე ტარდება ე.წ. „სამხედრო ოპერაცია“, რომლის მიზანია „ დაიცავით უკრაინელები, ბულინგისა და გენოციდის მსხვერპლნი“, - ნათქვამია განცხადებაში.

სამხარეო სახელმწიფო ადმინისტრაციამ აღნიშნა, რომ დამპყრობლების ძარცვისა და მტაცებლური ქმედებების მტკიცებულებაა მაღაზიების, ადგილობრივი მოსახლეობის, ბენზინგასამართი სადგურების კამერების ვიდეოჩანაწერები.

ცნობისთვის, ამ დროისთვის ბერდიანსკის რეგიონი დროებით ოკუპირებულია რუსი დამპყრობლების მიერ. განადგურებულია პოლიციის განყოფილებაც.