აშშ უკრაინას 275 მილიონი დოლარის ღირებულების სამხედრო დახმარების ახალ პაკეტს გადასცემს

ამერიკის შეერთებული შტატები უკრაინას 275 მილიონი დოლარის  სამხედრო დახმარების ახალ პაკეტს გადასცემს. ინფორმაციას „როიტერი“ ავრცელებს.

დახმარების პაკეტი მოიცავს, რაკეტებს მაღალი მობილობის საარტილერიო სარაკეტო სისტემისთვის (HIMARS), 155 მმ-იან ჭურვებს, Humvee-ს სამხედრო მანქანებსა და გენერატორებს.

როგორც გამოცემამ აღნიშნა, აშშ-ის ეროვნული უშიშროების საბჭოს წარმომადგენელმა უარი თქვა კომენტარი გაეკეთებინა ახალ პაკეტზე, რადგან მისი დეტალები მხოლოდ აშშ-ს პრეზიდენტის ჯო ბაიდენის მიერ შესაბამის დოკუმენტზე ხელმოწერის შემდეგ გახდება ცნობილი.

შეგახსენებთ, აშშ-ის წარმომადგენელთა პალატამ მხარი დაუჭირა თავდაცვის ბიუჯეტს, რომელიც უკრაინისთვის 800 მილიონი დოლარის დახმარებას ითვალისწინებს.