ვულოცავთ დონალდ ტრამპს გამარჯვებას, ევროპა მზადაა, ვითანამშრომლოთ უპრეცედენტო გეოპოლიტიკურ გამოწვევებთან დაკავშირებით - რობერტა მეცოლა

ევროპარლამენტის პრეზიდენტი რობერტა მეცოლა დონალდ ტრამპს ამერიკის შეერთებული შტატების არჩევნებში გამარჯვებას ულოცავს.

ამის შესახებ მეცოლამ სოციალურ ქსელში დაწერა.

„ვულოცავთ დონალდ ტრამპს ამერიკის შეერთებული შტატების არჩევნებში გამარჯვებას. ევროპა მზადაა, ვითანამშრომლოთ უპრეცედენტო გეოპოლიტიკურ გამოწვევებთან დაკავშირებით, შევინარჩუნოთ ძლიერი ტრანსატლანტიკური კავშირი, რომელიც დაფუძნებულია საერთო ღირებულებებზე – თავისუფლებაზე, ადამიანის უფლებებზე, დემოკრატიასა და ღია ბაზარზე“, – წერს რობერტა მეცოლა.

წინასწარი მონაცემებით, აშშ-ის საპრეზიდენტო არჩევნებში რესპუბლიკური პარტიის პრეზიდენტობის კანდიდატმა, დონალდ ტრამპმა გაიმარჯვა.