ვლადიმერ პუტინმა ახალ განკარგულებას მოაწერა ხელი

რუსეთის პრეზიდენტმა ვლადიმერ პუტინმა ხელი მოაწერაგანკარგულებას, რომელიც უკრაინიდან რუსეთში იძულებით წასული მოსახლეობისთვის ფინანსური დახმარების შემოღებას ითვალისწინებს. ამის შესახებ ინფორმაციას Reuters-ი ავრცელებს.

განკარგულების მიხედვით, ადამიანებს, რომლებსაც 18 თებერვლიდან იძულებით მოუწიათ უკრაინის ტერიტორიის დატოვება და რუსეთში წასვლა, თვეში 10 000 რუბლის ($170) ოდენობის პენსია დაენიშნებათ.

პენსიის მიღებას შეეძლებათ უკრაინისა და ე.წ. დონეცკისა და ლუგანსკის რესპუბლიკების მოქალაქეებს.