„ვიღაც ტყვეობაში შეხვდება ამ შობას, მაგრამ მას უნდა ახსოვდეს, რომ ჩვენ თავისუფლებას დავუბრუნებთ ყველა უკრაინელს...“ - ზელენსკი

ჩვენ არ დაველოდებით სასწაულს, რადგან ჩვენ თვითონ ვქმნით მას. ქრისტე დაიბადა! მოდით ვადიდოთ იგი, - ამის შესახებ უკრაინის პრეზიდენტის ვოლოდიმირ ზელენსკის მიერ გავრცელებულ განცხადებაშია ნათქვამი.

ვოლოდიმირ ზელენსკი დასავლეთს შობის დღესასწაულს ულოცავს.

„დღეს და მომავალ ზამთრის არდადეგებს რთულ ვითარებაში ვხვდებით. დღეს ვიღაც იხილავს ცაში პირველ ვარსკვლავს ბახმუტზე, რუბეჟნოესა და კრემინაზე.

ვიღაც დღესასწაულს სხვის სახლებში შეხვდება, მაგრამ არა უცხო ხალხში - უკრაინელების სახლებში, რომლებმაც თავშესაფარი მისცეს უკრაინელებს. ვიღაც „შჩედრიკს“ სხვა ენაზე მოისმენს - ვარშავაში, ბერლინში, ლონდონში, ნიუ-იორკში, ტორონტოში და ბევრ სხვა ქალაქსა და ქვეყანაში. ვიღაც ტყვეობაში შეხვდება ამ შობას, მაგრამ მას უნდა ახსოვდეს, რომ ჩვენ თავისუფლებას დავუბრუნებთ ყველა უკრაინელს.

არ აქვს მნიშვნელობა სად ვართ, ჩვენ დღეს ერთად ვიქნებით.  სურვილს ჩავიფიქრებთ.  ერთი ყველასათვის. და ჩვენ ვიგრძნობთ სიხარულს. ერთი ყველასათვის. და ჩვენ გავიგებთ სიმართლეს. ერთი ყველასათვის.

ჩვენ აღვნიშნავთ ჩვენს დღესასწაულებს! როგორც ყოველთვის. გავიღიმებთ და ბედნიერები ვიქნებით. როგორც ყოველთვის. განსხვავება ერთია. ჩვენ არ დაველოდებით სასწაულს, რადგან ჩვენ თვითონ ვქმნით მას.
ქრისტე დაიბადა! მოდით ვადიდოთ იგი!“ - აცხადებს ვოლოდიმირ ზელენსკი.