ცნობილია ჭავჭავაძეზე მოკლული კაცის ვინაობა
1741988330
მშვიდობიანი მოსახლეობის ევაკუაცია, ღაზის ჩრდილოეთიდან სამხრეთის მიმართულებით მიმდინარეობს, იმიტომ რომ ისრაელის მთავარი სამიზნე ამ ეტაპზე სექტორის ჩრდილოეთ ნაწილია. მიზეზი მიწისქვეშა გვირაბებია. ისრაელი "ჰამასს" დიდი ხანია ადანაშაულებს მოსახლეობის ცოცხალ ფარად გამოყენებაში. იარაღის საცავები, ტერორისტულ ორგანიზაციას სწორედ ღაზის ყველაზე მჭიდროდ დასახლებული რაიონების მიწისქვეშა გვირაბებში აქვს მოწყობილი.
როგორც ისრაელის მხარე აცხადებს, გვირაბებიდან ზოგიერთი პირდაპირ სამხრეთ ისრაელის საზღვარს უკავშირდება, რაც საშუალებას აძლევს ტერორისტებს თავს დაესხნენ ისრაელის მშვიდობიან მოსახლეობას. ღაზის მთელ ტერიტორიაზე დაახლოებით 2500 გვირაბია. უმეტესი მათგანი ჩრდილოეთშია, თუმცა გარკვეული ნაწილი განლაგებულია სექტორის სამხრეთ ნაწილშიც.
გვირაბები აღჭურვილია ელექტროენერგიით და სარკინიგზო ლიანდაგებით, მოწყობილია სპეციალური ოთახები, სადაც დასაწყობებულია საკვები და სასმელი წყალი. ვარაუდობენ, რომ ხშირ შემთხვევაში ტერორისტული ორგანიზაციის ლიდერები სწორედ აქ იმალებიან.
გვირაბები დაახლოებით 30 მეტრის სიღრმეშია, უკავშირდება სახლების, მეჩეთების, სკოლების და სხვა საზოგადოებრივი შენობების ქვედა სართულებს. ისრაელში დარწმუნებულები არიან რომ "ჰამასი" მიზანმიმართულად ათავსებს ტერორისტულ ინფრასტრუქტურას სამოქალაქო უბნებში, რადგან იცის, რომ ისრაელს მშვიდობიან მოსახლეობაზე თავდასხმა არ სურს.
ასევე დაგაინტერესებთ:
ქართული მაფიის მასშტაბური შეკრება ხორვატიაში - რა კავშირშია თბილისის ციხეში მომხდარი დაპირისპირება