აფხაზეთში ლუკაშენკოს ვიზიტი არამეგობრული და პოლიტიკურად არასწორი ნაბიჯია - კახა კალაძე

kaxa kaladze

აფხაზეთში ლუკაშენკოს ვიზიტი არამეგობრული და პოლიტიკურად არასწორი ნაბიჯია, – ამის შესახებ თბილისის მერმა, კახა კალაძე განაცხადა.

„აფხაზეთში ლუკაშენკოს ვიზიტი ძალიან შემაშფოთებელი და უმძიმესი ფაქტია. გარდა იმისა, რომ ეს არამეგობრული და პოლიტიკურად არასწორი ნაბიჯია, ლუკაშენკომ დაარღვია ოკუპაციის შესახებ კანონი, რასაც შესაბამისი უწყების მხრიდან რეაგირება მოჰყვება. როგორც ვიცი, ელჩი უკვე დაბარებულია“, – აღნიშნა კალაძემ.

საქართველოს პრეზიდენტი სალომე ზურაბიშვილი ოკუპირებულ აფხაზეთში ბელარუსის პრეზიდენტის ალექსანდრ ლუკაშენკოს ვიზიტს გამოეხმაურა და განაცხადა, რომ ის მომხდარს მკაცრად გმობს.

საქართველოს საგარეო საქმეთა სამინისტრომ ღრმა შეშფოთება გამოხატა ალექსანდრე ლუკაშენკოს რუსეთის მიერ ოკუპირებულ საქართველოს აფხაზეთის რეგიონში ჩასვლისა და სოხუმში რუსეთის საოკუპაციო რეჟიმის წარმომადგენლებთან შეხვედრის თაობაზე.

დღეს, საქართველოს საგარეო საქმეთა სამინისტრომ ალექსანდრ ლუკაშენკოს ოკუპირებულ აფხაზეთში ჩასვლის გამო, ბელარუსის მხარეს დამატებითი განმარტებები მოსთხოვა და საგარეო უწყებაში პროტესტის ნიშნად საქართველოში ბელორუსის ელჩი ანატოლი ლისი დაიბარეს.

ბელარუსის პრეზიდენტი ალექსანდრ ლუკაშენკო დღეს ოკუპირებულ აფხაზეთში ჩავიდა, სადაც ოკუპირებული აფხაზეთის დე ფაქტო პრეზიდენტ ასლან ბჟანიას შეხვდა.

საკითხთან დაკავშირებით ბელარუსის საელჩოსთან აქცია დაიგეგმა ლოზუნგით - „აფხაზეთი საქართველოა, ლუკაშენკო - ყ*ე!“