თურქეთის თავდაცვის მინისტრი: თურქეთი ყურადღებით აკვირდება ირანელი ქურთების მოქმედებას, რომელთა საქმიანობა უარყოფითად აისახება რეგიონის საერთო მშვიდობასა და სტაბილურობაზე

თურქეთი ყურადღებით აკვირდება ირანის „ქურთისტანის თავისუფალი სიცოცხლის“ (PJAK) დაჯგუფების მოქმედებებს.

ამის შესახებ თურქეთის თავდაცვის მინისტრმა, იაშარ გიულერმა ბრიფინგზე განაცხადა.

„ეთნიკური სეპარატიზმის გამწვავებელი ჯგუფების, როგორიცაა ტერორისტული ორგანიზაცია PJAK საქმიანობა, უარყოფითად მოქმედებს არა მხოლოდ ირანის უსაფრთხოებაზე, არამედ რეგიონის საერთო მშვიდობასა და სტაბილურობაზე“, – განაცხადა იაშარ გიულერმა.

მისი თქმით, თურქეთი აკვირდება მათ მოქმედებას.

მანამდე, „როიტერი“ ანონიმურ წყაროზე დაყრდნობით წერდა, რომ PJAK -ის დაჯგუფებამ აშშ-თან კონსულტაციები გაიარა, თუ როგორ და როდის დაარტყას ირანის ძალებს ქვეყნის დასავლეთ ნაწილში.