ტრამპმა აღიარა ჰარისის სიძლიერე, პროფესიონალიზმი, ორივე შეთანხმდა ქვეყნის გაერთიანების მნიშვნელობაზე - დონალდ ტრამპის საარჩევნო შტაბი

დონალდ ტრამპისა და კამალა ჰარისის სატელეფონო საუბრის შემდეგ, ტრამპის საარჩევნო შტაბმა განცხადება გამოაქვეყნა.

„ტრამპმა აღიარა ჰარისის სიძლიერე, პროფესიონალიზმი და გამძლეობა მთელი კამპანიის განმავლობაში, ორივე შეთანხმდა ქვეყნის გაერთიანების მნიშვნელობაზე“, – აღნიშნულია განცხადებაში.

შეგახსენებთ, კამალა ჰარისი დონალდ ტრამპს ტელეფონით ესაუბრა და არჩევნებში გამარჯვება მიულოცა. სატელეფონო საუბრისას ჰარისმა ხაზი გაუსვა ძალაუფლების მშვიდობიან გადაცემას და ყველა ამერიკელისთვის პრეზიდენტად ყოფნის მნიშვნელობას.