ტრამპი აცხადებს, რომ რუსეთს უფრო ძლიერი პოზიცია აქვს მოლაპარაკებებში

გამოცემა POLITICO-სთან ინტერვიუში აშშ-ის პრეზიდენტმა, დონალდ ტრამპმა განაცხადა, რომ რუსეთს უპირატესობა და უფრო ძლიერი პოზიცია აქვს მოლაპარაკებებში.

ჟურნალისტის კითხვაზე - რომელი ქვეყანაა ამჟამად უფრო ძლიერ პოზიციაში მოლაპარაკებებში? - აშშ-ის პრეზიდენტმა უპასუხა:

ამაში ეჭვი არ უნდა იყოს. ეს რუსეთია. ის ბევრად უფრო დიდი ქვეყანაა. ეს არის ომი, რომელიც არასდროს უნდა მომხდარიყო. გულახდილად რომ ვთქვათ, ეს არ მოხდებოდა, მე რომ ვყოფილიყავი პრეზიდენტი, და არც მომხდარა ოთხი წლის განმავლობაში.