ტერორისტული თავდასხმა ანკარაში - არიან დაღუპულები და დაშავებულები

თურქეთის დედაქალაქ ანკარაში, საჰაერო კომპანიაზე ტერორისტული თავდასხმა მოხდა.

ქვეყნის შინაგან საქმეთა მინისტრის ალი იერლიკაიას ინფორმაციით, არიან დაღუპულები და დაშავებულები.

CNN-ის ვიდეოჩანაწერში ნათლად ჩანს, თუ როგორ დარბის კომპანიის ტერიტორიაზე დამნაშავე, რომელსაც ხელში ცეცხლსასროლი იარაღი უჭირავს.

მედიაში გავრცელებული დაუდასტურებელი ცნობებით, შტაბ-ბინის შესასვლელთან თვითმკვლელმა ტერორისტმა თავი აიფეთქა.

მომხდართან დაკავშირებით დაწყებულია გამოძიება.