ტაჯიკეთში 1 500-ზე მეტი ჯადოქარი დააკავეს

ტაჯიკეთში უსაფრთხოების ძალებმა დააკავეს ათასზე მეტი ადამიანი, რომლებიც მკითხაობითა და ჯადოქრობით იყვნენ დაკავებული, ასევე 5 ათასი მოლა, რომლებსაც არ ჰქონდათ რელიგიური განათლება. ამის შესახებ რესპუბლიკის პრეზიდენტმა, ემომალი რაჰმონმა დუშანბეში მაღალკვალიფიციური სამხედრო პერსონალის მომზადების სახელმწიფო ინსტიტუტის გახსნისას განაცხადა.

„სახელმწიფოს მეთაურის დავალებით და შინაგან საქმეთა ორგანოების მიერ გატარებული ღონისძიებების შედეგად, ქვეყანაში 1,5 ათასი ადამიანი დააკავეს, რომლებიც ჯადოქრობითა და მკითხაობით იყვნენ დაკავებულნი, ხოლო 5 ათასზე მეტი ნახევრად წერა-კითხვის განათლებული მოლა დააკავეს. ფანატიზმისთვის [ისინი] დარეგისტრირებულნი იყვნენ შინაგან საქმეთა ორგანოებში“, - განაცხადა სახელმწიფოს მეთაურმა.ეს არ არის პირველი შემთხვევა, როდესაც რახმონი ლაპარაკობს ოკულტური მეცნიერებებისა და რელიგიური ფანატიზმის წინააღმდეგ. მისი თქმით, არ შეიძლება უარი თქვას ცოდნაზე და მისი ჩანაცვლება მხოლოდ ალაჰის რწმენით. ასევე, ტაჯიკეთში დიდი ხანია აკრძალულია ამულეტების დამზადება, ჯადოქრობა და მკითხაობა. დამნაშავეებს 15-დღიანი პატიმრობა ემუქრებათ.