რუსეთის პირველი არხის ყოფილ თანამშრომელს, რომელმაც უკრაინის წინააღმდეგ ომი გააპროტესტა, ორთვიანი შინაპატიმრობა მიუსაჯეს

რუსეთის პირველი არხის ყოფილ თანამშრომელ მარინა ოვსიანიკოვას, რომელმაც უკრაინის წინააღმდეგ ომი გააპროტესტა, ორთვიანი შინაპატიმრობა მიუსაჯეს.

შინაპატიმრობაში ოვსიანიკოვა სასამართლო პროცესამდე, 9 ოქტომბრამდე დარჩება.

მარტის შუა რიცხვებში ოვსიანიკოვამ პირდაპირ ეთერში გამართა საპროტესტო აქცია რუსეთის პირველი არხის საინფორმაციო გამოშვების დროს და ტელეწამყვან ეკატერინა ანდრეევას უკან უკრაინის ომის საწინააღმდეგო პლაკატით გამოჩნდა. ჯარიმის სახით სასამართლომ 30 000 რუბლის (200 დოლარი) გადახდა დააკისრა.

სასამართლო პროცესი 9 ოქტომბერს გაიმართება და გამამტყუნებელი განაჩენის შემთხვევაში, ჟურნალისტს 10-წლიანი პატიმრობა ემუქრება.