„ომის ტყვეებს პოლიტიკური მიზნებისთვის არ უნდა იყენებდნენ" - ბრიტანეთის მთავრობის პრესსპიკერი

გაერთიანებული სამეფოს მთავრობა შეშფოთებულია ბრიტანელების მიმართ გამოტანილი სასიკვდილო განაჩენის გამო.

„ომის ტყვეებს პოლიტიკური მიზნებისთვის არ უნდა იყენებდნენ," - განაცხადა მთავრობის პრესსპიკერმა.

მანამდე, ფაქტს გაერთიანებული სამეფოს საგარეო საქმეთა მინისტრი, გამოეხმაურა.

„ისინი ომის ტყვეები არიან. ეს არის ყალბი განაჩენი, რომელიც აბსოლუტურად არალეგიტიმურია," - განაცხადა ლიზ ტრასმა.

რუსეთის მიერ კონტროლირებადი დონეცკის ეგრეთწოდებულმა სასამართლომ ბრიტანეთის ორ და მაროკოს ერთ მოქალაქეს სიკვდილით დასჯა მიუსაჯა. სამივე უცხოელი, „დაქირავებული მებრძოლების" ბრალდებით გაასამართლეს.