1725743393
ნორვეგიაში „ვაგნერის“ ყოფილი მებრძოლი რუსეთთან საზღვრის უკანონო გადაკვეთის მცდელობისას დააკავეს
![ვაგნერელი ვაგნერელი](https://primetime.ge/uploads/files/2023/09/23/65737/vagnereli_w_h.jpeg)
Wagner PMC-ის ყოფილი დაქირავებული ანდრეი მედვედევი, რომელიც 2023 წლის დასაწყისში რუსეთიდან ნორვეგიაში გაიქცა, ნორვეგიის პოლიციამ კოლას ნახევარკუნძულზე, რუსეთთან საზღვართან ახლოს დააკავა. როგორც ვარაუდობენ, იგი სიბნელეში გამშვები პუნქტისკენ საზღვრის გადაკვეთის მიზნით მიემართებოდა. ამის შესახებ The Barents Observer იტყობინება.
ეს ეჭვი განპირობებული იყო იმით, რომ რამდენიმე საათით ადრე, თავად განუცხადა ჟურნალისტს, რომ რუსეთში დაბრუნებას აპირებდა და ეძებდა ვინმეს, ვინც მას საზღვარზე გადაიყვანდა. მედვედევმა თავისი გადაწყვეტილება იმით ახსნა, რომ უკრაინაში ექსტრადიცია ემუქრებოდა და თვლიდა, რომ მისთვის უფრო უსაფრთხო რუსეთში დაბრუნება იყო.
ანდრეი მედვედევი რუსეთიდან ნორვეგიაში გაურკვეველ ვითარებაში გაიქცა მას შემდეგ, რაც გარკვეული დრო ვაგნერის PMC-ის რიგებში უკრაინის წინააღმდეგ ომობდა. ის ამტკიცებდა, რომ მზად იყო ჩვენება მიეცა PMC-ის უკვე გარდაცვლილი ხელმძღვანელის, ევგენი პრიგოჟინის წინააღმდეგ, რომელსაც „ვაგნერის“ ჯგუფის წევრების წამებასა და მკვლელობებში ადანაშაულებდა.
ის ადრეც იყო დაკავებული საზღვრის უკანონო გადაკვეთისთვის შვედეთში. ასევე ყაჩაღობასა და ჩხუბისთვის ოთხი წელი გაატარა რუსეთის ციხეში. ორჯერ კი ნორვეგიაში, ბარებში ჩხუბის გამო დააკავეს.