„ნატოს ტერიტორიის ყოველი სანტიმეტრი დაცული უნდა იყოს“ - ლიეტუვის პრეზიდენტი პოლონეთ-უკრაინის საზღვართან მომხდარ აფეთქებას ეხმაურება

ლიეტუვის პრეზიდენტი გიტანას ნაუსედა მედიის მიერ გავრცელებულ ინფორმაციას ეხმაურება, რომლის მიხედვითაც, პოლონეთში რუსული რაკეტა ჩამოვარდა და დაღუპულია 2 ადამიანი.

როგორც ნაუსედა „ტვიტერზე“ წერს, ნატოს ტერიტორიის ყოველი სანტიმეტრი უნდა იყოს დაცული.

„ლიეტუვა მტკიცე სოლიდარობას უცხადებს პოლონეთს. ნატოს ტერიტორიის ყოველი სანტიმეტრი დაცული უნდა იყოს“, - წერს ნაუსედა.

ცნობისთვის, პოლონეთში, დიდი ალბათობით, რუსული რაკეტა ჩამოვარდა, რასაც 2 ადამიანის სიცოცხლე ემსხვერპლა. გავრცელებული ინფორმაციით, რაკეტების სამიზნე სავარაუდოდ უკრაინა იყო, თუმცა ამ დრომდე დამატებითი ინფორმაცია უცნობია.

მედიისვე ცნობით, რუსული რაკეტა პოლონეთის ქალაქ პრეჟვოდოვში ჩამოვარდა, რომელიც რუსეთ-პოლონეთის საზღვართან მდებარეობს.