კუბის ცენტრში, სასტუმროში აფეთქების შედეგად სულ მცირე 22 ადამიანი დაიღუპა

კუბის დედაქალაქ ჰავანას ცენტრში, სასტუმროში აფეთქების შედეგად დაიღუპა სულ მცირე 22 და დაშავდა 70-ზე მეტი ადამიანი. ამის შესახებ ინფორმაციას reuters-ი  ადგილობრივ მედიაზე დაყრდნობით ავრცელებს.

კუბის პრეზიდენტის მიგელ დიაზ-კანელის თქმით,  ბუნებრივი აირის გაჟონვის შედეგად, აფეთქება ისტორიულ, მაღალი დონის სასტუმრო „სარატოგაში“ მოხდა.

„ეს ბომბი ან თავდასხმა არ ყოფილა. ეს უბრალოდ ძალიან სამწუხარო შემთხვევაა“, – განაცხადა ქვეყნის პრეზიდენტმა.

ცნობისთვის, კუბის დედაქალაქ ჰავანას ცენტრში მდებარე ცნობილი ხუთ ვარსკვლავიანი სასტუმრო ძლიერი აფეთქება გუშინ მოხდა.