კიდევ იქნება პანდემია და წინასწარ უნდა ვიფიქროთ ამაზე - ჯო ბაიდენი

კიდევ იქნება პანდემია და წინასწარ უნდა ვიფიქროთ ამაზე, - ამის შესახებ  აშშ-ის პრეზიდენტმა, ჯო ბაიდენმა განაცხადა.  ინფორმაციას თეთრი სახლი ავრცელებს. 

ცნობისთვის, 21 ივნისს, აშშ-ში 6 თვიდან 5-წლამდე ბავშვების კორონავირუსის საწინააღმდეგო ვაქცინით აცრა დაიწყო.

თეთრ სახლში გამართულ პრესკონფერენციაზე ჟურნალისტის კითხვებზე- კონგრესისგან მეტი ფულის მიღება გსურთ ვაქცინაციის კამპანიისა და შემოდგომაზე კორონავირუსის საწინააღმდეგო ღონისძიებების დასაფინანსებლად? ბავშვებისთვის ვაქცინების მარაგი როგორია? რამდენი ბავშვის ვაქცინაციას შეძლებთ, ვიდრე კონგრესისგან მეტი ფული დაგჭირდებათ? - ჯო ბაიდენმა შემდეგნაირად უპასუხა:

„მეტი ფული გვჭირდება. თუმცა, ჩვენ არ გვჭირდება მეტი ფული მხოლოდ ბავშვების ვაქცინაციისთვის. ჩვენ გვჭირდება მეტი ფული მეორე პანდემიის დასაგეგმად. კიდევ ერთი პანდემია იქნება. წინასწარ უნდა ვიფიქროთ ამაზე. ამიტომ გვჭირდება ფული".