ჯო ბაიდენი უკრაინისთვის დახმარების კანონს ხელს 9 მაისს მოაწერს

აშშ-ის პრეზიდენტი ჯო ბაიდენი უკრაინისთვის „ლენდ-ლიზის“ შესახებ კანონს ხელს 9 მაისს მოაწერს. ამის შესახებ თეთრი სახლის პრესმდივანმა, ჯენ ფსაკიმ განაცხადა.

„ორშაბათს პრეზიდენტი ხელს მოაწერს კანონს ლენდ-ლიზის შესახებ 2022 წელს უკრაინაში დემოკრატიის დასაცავად“, - განაცხადა ფსაკიმ.

კანონი იძლევა საშუალებას, რომ აშშ-მ უკრაინას შეიარაღება უფრო სწრაფად და ეფექტური გზით გადასცეს.

უკრაინა-რუსეთის ზოგიერთმა ექსპერტმა სწრაფად აღნიშნა, რომ ბაიდენი ხელს მოაწერს ამ კანონპროექტს 9 მაისს, იმ დღეს, როდესაც რუსები აღნიშნავენ გამარჯვების დღეს.