იტალიაში კომოს ტბის ჰაერით ავსებული ქილების გაყიდვა დაიწყეს

კომპანიამ ItalyComunica განაცხადა, რომ კომოს ტბის ჰაერით სავსე ქილების გაყიდვა დაიწყო. ​CNN-ის ცნობით, თითო ბოთლის ფასი 9,9 ევროა.

ეს მარკეტოლოგ დევიდ აბაგნეილის იდეა იყო, რომლის მიზანიც რაიმე „ორიგინალური, მხიარული და პროვოკაციული“ სუვენირის შექმნა იყო, რომლის სახლში წაღებაც ტურისტებისთვის მარტივი იქნებოდა. ​აბაგნეილი ასევე აცხადებს, რომ სახლში დაბრუნებული ტურისტებს შეუძლიათ ქილებში კალმები ან ფანქრები შეინახონ.

ლომბარდიის ტურისტული ბიუროს მონაცემებით, 2023 წელს კომოს ტბას 5,6 მილიონი ადამიანი ესტუმრა.