ისრაელი უპასუხებს ირანის სარაკეტო თავდასხმას - ვიცით, როგორ უნდა დავარტყათ ზუსტად და ძლიერად - „ცაჰალის“ გენშტაბის უფროსი

ისრაელის თავდაცვითი ძალების გენერალური შტაბის უფროსმა, ჰერცი ჰალევიმ განაცხადა, რომ ისრაელი უპასუხებს ირანის სარაკეტო თავდასხმას.

ჰერცი ჰალევის თქმით, ისრაელის არმიას აქვს შესაძლებლობა, მისწვდეს და დაარტყას ნებისმიერ წერტილს ახლო აღმოსავლეთში.

„და ჩვენი მტრები, რომლებმაც ეს აქამდე ვერ გაიაზრეს, მალე გაიგებენ ამას“, - აღნიშნა ისრაელის თავდაცვითი ძალების გენერალური შტაბის უფროსმა.

„ჩვენ ვუპასუხებთ, ჩვენ ვიცით როგორ გამოვავლინოთ მნიშვნელოვანი სამიზნეები, ვიცით როგორ უნდა დავარტყათ ზუსტად და ძლიერად“, - დასძინა ჰერცი ჰალევიმ.