ირანში მორალის პოლიცია გაუქმდა

ირანი

ირანმა მორალის პოლიცია გააუქმა, ამის შესახებ ინფორმაციას მედია ირანის გენერალურ პროკურორზე მოჰამედ ჯაფარ მონთაზერზე დაყრდნობით ავრცელებს.

„მორალის პოლიციას არაფერი აქვს საერთო სასამართლო სისტემასთან", - განაცხადა მოჰამედ ჯაფარ მონთაზერმა.

ცნობისთვის, მორალის პოლიცია 2006 წელს, მოკრძალებისა და ჰიჯაბის კულტურის გასავრცელებლად, ყოფილი პრეზიდენტის მაჰმუდ აჰმადინეჟადის მმართველობის დროს შეიქმნა.

შეგახსენებთ, უკვე ორთვე-ნახევარია რაც ირანში საპროტესტო გამოსვლები იმართება. დემონსტრაციები ჰიჯაბის ტარების წესების დარღვევისთვის მორალის პოლიციის მიერ დაკავებული 22 წლის მაჰსა ამინის გარდაცვალებას მოჰყვა.