ფაშინიანი: სომხეთისა და აშშ-ის ურთიერთობები დღეს უფრო მტკიცეა, ვიდრე ოდესმე

სომხეთის პრემიერ-მინისტრმა, ნიკოლ ფაშინიანმა და ამერიკის შეერთებული შტატების ვიცე-პრეზიდენტმა, ჯეი დი ვენსმა განიხილეს სომხეთში მიმდინარე ინსტიტუციური რეფორმები და ამ მიმართულებით შეერთებული შტატების მიერ გაწეული ხანგრძლივი მხარდაჭერა. ინფორმაციას ამის შესახებ „არმენპრესი“ ავრცელებს.

„მე ასევე ხაზი გავუსვი სომხეთისთვის გაწეული მხარდაჭერის მნიშვნელობას „მშვიდობის გზაჯვარედინი“ პროგრამის შესაძლებლობების განვითარების მიზნით․ ორივე მხარემ აღნიშნა, რომ სომხეთსა და შეერთებულ შტატებს შორის ურთიერთობები დღეს უფრო მტკიცეა, ვიდრე ოდესმე, და გამოვხატეთ მზადყოფნა, კიდევ უფრო განვავითაროთ ეს ურთიერთობები ჩვენი ხალხების სასარგებლოდ“, - განაცხადა ფაშინიანმა․

ფაშინიანი მიესალმა აშშ-ის ვიცე-პრეზიდენტისა და მისი ოჯახის ვიზიტს სომხეთში და მადლობა გადაუხადა ვენსს სომხეთ-აშშ-ის მჭიდრო კავშირების კიდევ უფრო გაღრმავებისადმი მისი მზადყოფნისა და პირადი წვლილისთვის․