დედამ 4 წლის შვილი მანქანის დაჯახებისგან გადაარჩინა, თუმცა საფრთხე თავად ვერ აიცილა

ახალ ზელანდიაში, 29 წლის ჩელსი ფერგიუნსონმა, შვილი მანქანის დაჯახებისგან საკუთარი ჯანმრთელობის ფასად გადაარჩინა. 

შემთხვევა, 15 ნოემბერს, სუპერმარკეტის ავტოსადგომზე მოხდა. დედამ მოასწრო და ხელი ჰკრა თავის 4 წლის შვილს, პიპას და უბედური შემთხვევა თავიდან აარიდა, თუმცა, საკუთარი თავის გადარჩენა ვეღარ მოასწრო და მანქანა მას დაეჯახა. ამის შესახებ უცხოური მედია წერს. 

ქალს მრავლობითი დაზიანება აქვს და ფეხის დაკარგვის საფრთხის წინაშეა.

სოციალურ ქსელში, დედა გმირად გამოაცხადეს და ადამიანებმა მას უკვე 32 000 დოლარზე მეტი შეუგროვეს.