VIDEO: ,,დედას გეფიცებით, ვკანკალებ...“ - ბიჭი, რომელმაც უკვე მეორედ, დიდი თანხა იპოვა და პატრონს დაუბრუნა

თორნიკე ნინიკაშვილი

თორნიკე ნინიკაშვილმა ქუჩაში საფულე დიდი თანხით, უკვე მეორედ იპოვა. მან სოციალურ ქსელში ემოციური ვიდეო გამოაქვეყნა და ნივთის პატრონის ძებნა დაიწყო.

როგორც აღმოჩნდა, საფულეში თანხასთან ერთად იდო პატრონის საბუთებიც, რომლითაც ახალგაზრდას მისი მოძებნა გაუადვილდა. 

ფულის პოვნიდან მალე, თორნიკემ სოციალურ ქსელში მეორე ვიდეო განათავსა, რომელშიც ჩანს, რომ მან თანხა პატრონს დაუბრუნა.

ცნობისთვის, თორნიკემ დიდი ოდენობის თანხა გასულ წელსაც იპოვა და პატრონს დაუბრუნა, სწორედ მისი ამ ქმედებით გაიცნო ბიჭი საზოგადოებამ.