ჩინეთი და ევროკავშირი არიან ეკონომიკური გლობალიზაციისა და ვაჭრობის ლიბერალიზაციის მომხრე, მსოფლიო სავაჭრო ორგანიზაციის მტკიცე დამცველები - ჩინეთის საგარეო უწყება

ჩინეთი და ევროკავშირი არიან ეკონომიკური გლობალიზაციისა და ვაჭრობის ლიბერალიზაციის მომხრე და მსოფლიო სავაჭრო ორგანიზაციის მტკიცე დამცველები, – ამის შესახებ ჩინეთის საგარეო საქმეთა სამინისტროს პრესსპიკერმა, ლინ ძიანმა განაცხადა.

ჩინეთის საგარეო უწყების წარმომადგენელმა უპასუხა მედიის შეკითხვას აშშ-ის ტარიფებთან დაკავშირებით ჩინეთსა და ევროკავშირს შორის ბოლო პერიოდში ხშირი კონტაქტებთან დაკავშირებით.

ლინ ძიანის განცხადებით, აშშ იყენებს ტარიფს, როგორც იარაღს მაქსიმალური ზეწოლის განსახორციელებლად და ეგოისტური მიზნებისთვის.

„აშშ საკუთარ ინტერესებს აყენებს საერთაშორისო საზოგადოების საზოგადოებრივ სიკეთეზე მაღლა, რაც ცალმხრივობის, პროტექციონიზმისა და ეკონომიკური ჩაგვრის ტიპიური ნაბიჯია და მძიმედ აზიანებს ჩინეთის, ევროკავშირისა და მსოფლიოს სხვა ქვეყნების ინტერესებს. ჩინეთი და ევროკავშირი მსოფლიოში სიდიდით მეორე და მესამე ეკონომიკაა და ორივე მხარის ერთობლივი ეკონომიკური გამომუშავება აღემატება გლობალური მთლიანი რაოდენობის მესამედს, ხოლო ერთობლივი ვაჭრობის მოცულობა გლობალური ჯამის მეოთხედს აჭარბებს. ევროკავშირის ლიდერებმა განაცხადეს, რომ მსოფლიო ეკონომიკის ჯანსაღ ფუნქციონირებას სტაბილურობა და სიცხადე სჭირდება. ევროკავშირი და ჩინეთი მოწოდებული არიან, დაიცვან სამართლიანი და თავისუფალი მრავალმხრივი სავაჭრო სისტემა. როგორც პასუხისმგებელი ძირითადი ქვეყანა, ჩინეთმა მიიღო და გააგრძელებს მტკიცე ზომების მიღებას საკუთარი ლეგიტიმური ინტერესების დასაცავად. ჩინეთი მზადაა, იმუშაოს საერთაშორისო საზოგადოებასთან, მათ შორის ევროკავშირთან, კომუნიკაციისა და კოორდინაციის გასაძლიერებლად, განვითარების შესაძლებლობების გაზიარებისა და თანამშრომლობის გაფართოების მიზნით, რომ მივაღწიოთ ორმხრივ სარგებელს და მომგებიან თანამშრომლობას, არა მხოლოდ შესაბამისი ინტერესების დასაცავად, არამედ საერთაშორისო სავაჭრო წესების და სამართლიანობის ერთობლივად დასაცავად“, – განაცხადა ლინ ძიანმა.