„ის ევროპულ ფეხბურთში ერთ-ერთი ყველაზე დაუფასებელია“ - ნაკრების რომელ ფეხბურთელზე საუბრობს სანიოლი
1725736648
ბრაზილიის პრეზიდენტმა ლუის ინასიო ლულა დე სილვამ, საპროტესტო აქციების გამო, ქვეყნის დედაქალაქში იანვრის ბოლომდე საგანგებო მდგომარეობა გამოაცხადა. ქვეყნის ყოფილი პრეზიდენტის ჟაირ ბოლსონარუს ათასობით მომხრე დედაქალაქში გამოვიდა. ისინი ნაციონალური კონგრესისა და ფედერალური სასამართლოს შენობებში შეიჭრნენ, მოქმედი პრეზიდენტის რეზიდენცია კი ალყაში მოაქციეს.
ბრაზილიის ექსპრეზიდენტ ჟაირ ბოლსონარუს მხარდამჭერებისგან პარლამენტის, პრეზიდენტის სასახლის და უზენაესი სასამართლოს შენობების გათავისუფლების შემდეგ, პოლიციამ 400-ზე მეტი პირი დააკავა. ამის შესახებ ტვიტერზე წერს ფედერალური ოლქის გუბერნატორი იბანეის როკა. ის მომხდარს უწოდებს „ტერორისტულ შეტევას“ და აცხადებს, რომ ჩადენილი დანაშაულისთვის ყველა პასუხს აგებს. გუბერნატორის თანახმად, გრძელდება მუშაობა წესრიგის აღსადგენად.
ბრაზილიაში 2022 წლის 30 ოქტომბერს ჩატარებული საპრეზიდენტო არჩევნების მეორე ტურში, მემარცხენე ლუის ინასიუ ლულა და სილვამ მცირე უპირატესობით დაამარცხა იმჟამინდელი მოქმედი პრეზიდენტი, მემარჯვენე პოპულისტი ჟაირ ბოლსონარუ.