"ავეჯი გადაბრუნებულია, კარი თავისით იღება, ჭურჭელი ოთახში დაფრინავს..." - სპეციალისტებმა ანომალიური ქმედებები დაადასტურეს (უცხოეთი)

ქალაქ არზამასში ოჯახმა მერის ადმინისტრაციაში პოლტერგეისტს უჩივლა, რომელიც, მათი თქმით, ორი წელია მათ ბინაში ქაოსს ატრიალებს, იუწყება SHOT.
ნატალია, პირველ სართულზე მდებარე ოროთახიანი ბინის მეპატრონე, აცხადებს, რომ სახლში უცნაური რამ რეგულარულად ხდება: ავეჯი გადაბრუნებულია, კარი თავისით იღება, ჭურჭელი ოთახში დაფრინავს და ტექნიკა იმსხვრევა. ამ დროის განმავლობაში, მისი თქმით, ტელევიზორი, მაცივარი და სარკეები დაიმსხვრა.
ქალი და მისი მოზარდი ვაჟი თვლიან, რომ სახლში პარანორმალური არსება დასახლდა. მათ მას ფლისიც კი დაარქვეს. ნატალია აცხადებს, რომ „მეზობელი“ ზოგჯერ აგრესიულად იქცევა: ასეთი ეპიზოდების შემდეგ, სავარაუდოდ, მას სილურჯეები უჩნდება.

გაზაფხულზე ბინა პარანორმალური მოვლენების გამომძიებლებმა მოინახულეს. მათ 24-საათიანი პირდაპირი ტრანსლაციის კამერები დაამონტაჟეს და განაცხადეს, რომ ანომალიური აქტივობა დადასტურდა. შემდეგ „მონადირეები“ დაუკავშირდნენ არზამასის ადმინისტრაციას, თუმცა ოფიციალურმა პირებმა უპასუხეს, რომ ასეთი მოვლენები მათი იურისდიქციის მიღმა იყო.