აშშ უკრაინაში სამხედროებს არ აგზავნის - ჯო ბაიდენი

აშშ-ის პრეზიდენტმა, ჯო ბაიდენმა განაცხადა, რომ უკრაინაში ამერიკელი ჯარისკაცების გაგზავნას არ აპირებს. ინფორმაციას ამის შესახებ ტელეკომპანია CNN-ი ავრცელებს.

„ვაგზავნით თუ არა ჩვენს სამხედროებს უკრაინაში? არა, ჩვენ ვაგზავნით მასალებს, როგორც აქამდე ვაკეთებდით" - აღნიშნა ბაიდენმა.

ამერიკული ტელეკომპანიის ცნობით, თეთრმა სახლმა კონგრესს თხოვნით მიმართა, რომ კიევისთვის დამატებით 37,7 მილიარდი დოლარის ოდენობის დახმარება გამოჰყოს, საიდანაც 21,7 მილიარდი დოლარი სამხედრო აღჭურვილობებისთვის იქნება გათვალისწინებული.