აშშ-ს ორმაგი სტანდარტი აქვს, მისთვის ისრაელის დანაშაულები მისაღებია, ხოლო აგრესორების წინააღმდეგ ირანის თავდაცვას გმობს - აბას არაღჩი

ირანის საგარეო საქმეთა მინისტრი აცხადებს, რომ აშშ ორმაგი სტანდარტებით მოქმედებს.

ამის შესახებ აბას არაღჩიმ სოციალურ ქსელში დაწერა.

„აშშ-მა მხარი დაუჭირა ისრაელის მიერ ღაზის ბლოკადას, ამართლებდა დახმარების შეწყვეტას „უსაფრთხოების“ არგუმენტით, ამავე დროს გმობს ირანის ქმედებას, როცა ის თავს იცავს ჰორმუზის სრუტეში. ორმაგი სტანდარტი: ისრაელის დანაშაულები მისაღებია, ირანის თავდაცვა აგრესორების წინააღმდეგ კი – დასაგმობი. საერთაშორისო სამართალი მოხერხებულობის იარაღი არ არის“, – წერს აბას არაღჩი.