ამერიკული იარაღის რუსეთის ტერიტორიაზე გამოუყენებლობის შესახებ აშშ-ის პოზიცია არ შეცვლილა - პენტაგონი

ამერიკის შეერთებული შტატების პოზიცია არ შეცვლილა რუსეთის ტერიტორიაზე ამერიკული იარაღის გამოუყენებლობის შესახებ, - ასე უპასუხა პენტაგონის პრესსპიკერმა პატრიკ რაიდერმა შეკითხვას, როგორია ვაშინგტონის დამოკიდებულება რუსეთის ტერიტორიაზე უკრაინის პოტენციურ თავდასხმებთან დაკავშირებით.

„თავდაცვის მინისტრმა ლოიდ ოსტინმა ხაზგასმით აღნიშნა, რომ ჩვენი პოლიტიკა არ შეცვლილა“, - განაცხადა პატრიკ რაიდერმა.

რაიდერის თქმით, აშშ ორიენტირებულია უკრაინის არმიისთვის საჭირო საშუალებების მიწოდების უზრუნველყოფაზე, რომლებიც მას სჭირდება საკუთარი ტერიტორიის დასაცავად.