ამ ქალაქში ტემპერატურა -24°C-მდე ეცემა - ნახეთ, რა არის ამ ადგილში უნიკალური

პატარა ქალაქი იფრანი, რომელიც წელიწად-ნახევარი თოვლით არის დაფარული, ყველაზე ცივია აფრიკაში.

Daily Express- ის ცნობით, ის ჩრდილოეთ მაროკოს შუა ატლასის რეგიონში მდებარეობს. მას დაახლოებით 15 000 მოსახლე ჰყავს და ადგილობრივები მოიხსენიებენ როგორც „მაროკოს შვეიცარიას".

თანამედროვე ქალაქი დააარსეს ფრანგებმა 1929 წელს, როგორც ადგილი ევროპელი კოლონიზატორებისთვის მაროკოს შიდა დაბლობების ზაფხულის სიცხისგან თავის დასაღწევად.

„იფრანის სახლები აშენდა ტრადიციულ ევროპულ სტილში და დაემსგავსა თანამედროვე საფრანგეთის ქალაქების გარეუბნებს, რომლებიც აკმაყოფილებდნენ მაღალი საშუალო კლასის გემოვნებას,“ - ნათქვამია სტატიაში.

აღნიშნულია, რომ იფრანი, სადაც მდებარეობს დეიეტ იფერის ტბა, არის საკურორტო ქალაქი, რომელიც მდებარეობს ატლასის მთებში.

ქალაქს აქვს კონტინენტური ხმელთაშუა ზღვის კლიმატი ცხელი და საკმაოდ მშრალი ზაფხულით,  და გრძელი, გრილი, ნოტიო ზამთრით, როდესაც ღამეები შეიძლება იყოს ძალიან ცივი.

ქალაქის სიმაღლისა და ატლანტის ოკეანესთან სიახლოვის გამო, ბევრი ნალექია, რომელიც მოდის კლასიკური ხმელთაშუა ზღვის დიაპაზონში ოქტომბრიდან აპრილამდე.

საშუალო წლიური ტემპერატურა არ აღემატება 11 °C-ს. ქალაქმა 1935 წელს აფრიკასა და არაბულ სამყაროში ყველაზე დაბალი ტემპერატურის რეკორდი აჩვენა. ამ წელს ტემპერატურა  -23,9°C-მდე დაეცა.

საინტერესოა, რომ იფრანის ბიომრავალფეროვნება უნიკალურია: ის მრავალი იშვიათი და გადაშენების პირას მყოფი სახეობის სახლია. ცხოველებს შორის მსოფლიოში ყველაზე მეტი გადაშენების პირას მყოფი ბარბაროს მაკაკა, ოქროს ტურა და კარაკალი გვხვდება.