ახლო აღმოსავლეთში ვითარება დაძაბულია - ღაზაში "ცაჰალის" იერიშებს კიდევ 35 ადამიანი ემსხვერპლა

 ახლო აღმოსავლეთში ვითარება დაძაბულია. ისრაელი ღაზაში სამხედრო ოპერაციას განაგრძობს. "ცაჰალის" იერიშებს კიდევ 35 ადამიანი ემსხვერპლა. კონფლიქტის ზონაში ისრაელის ძალები სახმელეთო რეიდებს ატარებენ.

განცხადება გაავრცელა გაერომ - დოკუმენტის ტექსტში წერია, რომ 18 მარტს ისრაელი - "ჰამასის" ზავის დასრულების შემდეგ, ღაზაში ნახევარი მილიონ ადამიანს ხელახლა მოუწია იძულებით საცხოვრებელი ადგილის დატოვება. ისრაელის თავდაცვის მინისტრმა ღაზაში ჰუმანიტარული ტვირთის შეტანის აკრძალვა "ჰამასზე" ზეწოლის მექანიზმად დაასახელა.