„ის ევროპულ ფეხბურთში ერთ-ერთი ყველაზე დაუფასებელია“ - ნაკრების რომელ ფეხბურთელზე საუბრობს სანიოლი
1725736648
წალკის მუნიციპალიტეტის სოფელ ბედიანში მცხოვრები 53 წლის ეკა გულაშვილი თანასოფლელმა მამაკაცმა განსაკუთრებული სისასტიკით მოკლა. ქალს სხეულზე ნაჯახით მიყენებული ჭრილობები აღენიშნება. მოკლულის ცხედარი მეზობლებმა დილით კორპუსის ეზოსთან იპოვეს.
"კურიერმა" გაარკვია, რომ ბრალდებული წალკის ფსიქიატრიული კლინიკის ადმინისტრატორი 47 წლის ვოსკან ვოსკანიანია. ამავე კლინიკაში მუშაობდა ეკა გულაშვილი. კონფლიქტის მოტივად პირადი უთანხმოება სახელდება, რასაც წინ უძღოდა სიტყვიერი დაპირისპირება.
სავარაუდო დამნაშავის ოჯახში კამერების წინ საუბარი არ სურთ. "კურიერის" გადამღებ ჯგუფს დაკეტილი დახვდა მოკლული ქალის საცხოვრებელი სახლიც. ცხედარი ამ დრომდე ექსპერტიზაზეა გადასვენებული. ადგილობრივები ამბობენ, რომ ქალს მძიმე დაზიანებები აქვს მიყენებული, თუმცა კონფლიქტის მოტივზე საუბარი უჭირთ.
ბრალდებული სამართალდამცველებმა ცხელ კვალზე დააკავეს. ის მარნეულში, წინასწარი დაკავების იზოლატორშია გადაყვანილი, სადაც ბრალს ოფიციალურად წარუდგენენ.
სასამართლო დაკავებულისთვის აღკვეთის ღონისძიების შეფარდებაზე სავარაუდოდ ხვალ იმსჯელებს. ბრალის დამტკიცების შემთხვევაში 47 წლის მამაკაცს 15 წლამდე პატიმრობა ემუქრება.