თამარ გაბუნია: „ომიკრონის“ ლაბორატორიულად დადასტურებული შემთხვევები იმატებს, ეს მიუთითებს იმაზე, რომ ახალი შტამის ცირკულაცია იწყება

ჯანდაცვის მინისტრის მოადგილე

მთავარი არის ის, რომ თუ ადამიანი არის ავად, ბავშვი იქნება ეს, მასწავლებელი თუ თანამშრომელი სასწავლო გარემოში, ის არ უნდა მივიდეს სკოლაში, - ამის შესახებ ჯანდაცვის მინისტრის პირველმა მოადგილემ, თამარ გაბუნიამ განაცხადა. 

„ლაბორატორიულად დადასტურებული „ომიკრონის“ შემთხვევებიც იმატებს. ეს მიუთითებს იმაზე, რომ „ომიკრონის“ ცირკულაცია იწყება. სკოლებისთვის მთავარია ყველა იმ რეგულაციის ზედმიწევნით დაცვა რომელიც მათ დანერგეს. მთავარი არის ის, რომ თუ ადამიანი არის ავად, ბავშვი იქნება ეს, მასწავლებელი თუ თანამშრომელი სასწავლო გარემოში, ის არ უნდა მივიდეს სკოლაში. ეს იქნება ყველაზე მნიშვნელოვანი დაცვა ამ სიტუაციაში. რა თქმა უნდა ტესტირების პროგრამაც აქტიურად გაგრძელდება. სკოლებში სკოლის ექიმები ჩაერთვებიან ტესტირების პროცესში და ესეც მისცემს მათ იმის საშუალებას, რომ სწრაფად მოახდინონ დიაგნოსტირება თუკი ასეთი რისკები იქნება“, - განაცხადა გაბუნიამ.