"მიუხედავად იმისა, რომ დიდი თანხა იყო, დედა არ გამიბრაზდა" - ბავშვობის საოცარი ისტორია კირა ანდრონიკაშვილისგან

კირა ანდრონიკაშვილი სოციალურ ქსელში თავისი ბავშვობის ერთ მზიან ეპიზოდს იხსენებს. მსახიობი ფესიბუქზე წერს: 

"ოთხი წლის ვიყავი, როცა ნათლიამ მაჩუქა რაღაც გარკვეული თანხა, რომლითაც დედაჩემს პიანინო უნდა ეყიდა ჩემთვის. ძალიან მიხაროდა, პატარა ლამაზი ჩანთით დავატარებდი.

მე ისეთ პერიოდში გავატარე ბავშვობა, როდესაც ხალხს ძალიან უჭირდა, ბავშვები ძონძებში ჩაცმული დადიოდნენ და სამოწყალოდ გროშებს აგროვებდნენ. ერთხელ სახლში ვიყავი, როდესაც გოგონას სიმღერის ხმა შემომესმა; აივანზე გავედი და გადავიხედე... ღარიბულად ჩაცმული პატარა ბავშვი მღეროდა. რაღაც უჩვეულო გრძნობა დამეუფლა. ვერ აგიწერთ, როგორი დიდი სიხარულით ავიღე ჩემი ჩანთა, რომელშიც ნათლიას ნაჩუქარი თანხა მქონდა… კიბეები ჩავირბინე და ბავშვს გავუწოდე. ის იმ წამს იყო უბედნიერესი ბავშვი... და მეც ძალიან ბედნიერი ვიყავი... მიუხედავად იმისა, რომ ის დიდი თანხა იყო, დედა არ გამიბრაზდა..."