7 მაისის ასტროლოგიური პროგნოზი

მთვარის მე-7-8 დღე. დღის დასაწყისი ძალიან იქნება დამოკიდებული თქვენს ემოციურ განწყობაზე. დილით არ ღირს რაიმე ახლის დაწყება, უმჯობესია, დაასრულოთ დაწყებული საქმეები.

ლომის ნიშანში შესული მთვარის კავშირი მერკურსა და ვენერას შორის, პოზიტიურ ნოტებს გააძლიერებს გვიან შუადღისას. დადგება სასიამოვნო კომუნიკაციის, რომანტიკისა და სასიყვარულო შეხვედრების დრო. გაიზრდება ინტერესი მოდის სამყაროს მიმართ.

კარგია საჩუქრების, კოსმეტიკური საშუალებების, სამკაულების, საბავშვო ნივთების, საზაფხულო კოსტიუმების,  დასვენებისა და სადღესასწაულო ნივთების შეძენა. საღამოს შეხვედრებს სამომავლო განვითარების შესანიშნავი პოტენციალი აქვს.

ვერძი

დღეს იოლად გაუმკლავდებით ყოველგვარ საოჯახო საკითხებს, იქნება ეს თქვენი სივრცის მოწესრიგება,  დაზიანებული ნივთის შეკეთება თუ სხვა.

კურო

კარგი იქნება იზრუნოთ საკუთარ იმიჯზე, ჩაიცვით ელეგანტურად, შეხვდით მეგობრებს, გაერთეთ, გალაღდით, დატკბით სუფთა ჰაერით.

ტყუპები

გააანალიზეთ და დაკავდით პრობლემების მოგვარებით. დაგეგმეთ და განახორციელეთ მოკლევადიანი პროექტები, იზრუნეთ დაწყებული საქმეების დასრულებაზე.

კირჩხიბი

დღეს შეძლებთ უფრო ხალისიანი და მყუდრო გახადოთ თქვენი გარემო, პირადი სივრცე, გაისეირნეთ ბუნებაში, სუფთა ჰაერზე, ყურადღება მიაქციეთ ჯანმრთელობას.

ლომი

ერიდეთ ახალ ნაცნობობას, განმარტოებას და საიდუმლო ურთიერთობებს, სწორედ დღეს შეიძლება, გაგიჩნდეთ მნიშვნელოვანი იდეები, ახალი თემები შემოიჭრას თქვენს ცხოვრებაში და ამან გიბიძგოთ სიახლეებისკენ.

ქალწული

კარგი და შედეგიანი იქნება კომერციული საქმიანობა. ნათესავებთან ურთიერთობა, ბავშვებთან ერთად გასეირნება, წიგნის წაკითხვა, ან საინტერესო ფილმის ყურება.

სასწორი

ნუ იქნებით კონფლიქტური, იყავით მეტად თავდაჯერებული და არ აჰყვეთ ვნებებს, ცდუნებებს, კარგად დაფიქრდით ირგვლივ მიმდინარე მოვლენებზე.

მორიელი

კარგი იქნება, ჩაუღრმავდეთ თქვენს სულიერ და ცხოვრებისეულ საკითხებს, ეს საშუალებას მოგცემთ დაინახოთ საკუთარი შეცდომები და მიხვდეთ, რა არის საჭირო თქვენი განვითარებისთვის.

მშვილდოსანი

მოიფიქრეთ გრძელვადიანი ფინანსური პროექტები, რომელიც სიკეთისა და კეთილდღეობის მომტანი იქნება, როგორც თქვენთვის, ასევე საზოგადოებისთვის.

თხის რქა

ეცადეთ გაისეირნოთ, კარგი იქნება ბუნებაში, ქალაქგარეთ, მთიან ადგილას დასვენება. თუ გასვლას ვერ ახერხებთ, ეცადეთ, მეტი კონტაქტი გქონდეთ მიწასთან და სიმწვანესთან.

მერწყული

ოჯახში მოსალოდნელია სიახლეები, გარკვეული საკითხების განხილვა საოჯახო ატმოსფეროში. გადააადგილეთ ავეჯი, გადაახალისეთ და გააფერადეთ გაზაფხულის ფერებით საცხოვრებელი გარემო.

თევზები

იყავით კეთილგანწყობილი ირგვლივმყოფი ადამიანების მიმართ. მოიპატიჟეთ სტუმრები და ისაუბრეთ საინტერესო ცხოვრებისეულ საკითხებზე, რელიგიაზე, ხელოვნებაზე.