საგაზაფხულო არდადეგები ბაღებში არ იქნება

გაზაფხულის მოახლოებასთან ერთად ჩნდება მოლოდინი, რომ როგორც სკოლები, ასევე სკოლამდელი აღზრდის დაწესებულებებში საგაზაფხულო არდადეგები გამოცხადდება. თუმცა, ირკვევა, რომ წელს ბაღებს, სკოლების მსგავსად, ეს არ შეეხება.

ბაგა-ბაღების სააგენტოს ცნობით, ბაღებში მხოლოდ აღდგომის პერიოდში, 22-25 აპრილს დაისვენებენ.

რაც შეეხება სკოლებს, არდადეგები 8 მარტიდან დაიწყება და 14 მარტის ჩათვლით
გაგრძელდება. ამის შესახებ mshoblebi.ge-ს გავრცელებულ ინფორმაციაშია ნათქვამი.

ოფიციალურად, სააღდგომო დღეებში დასვენებაა: დიდი პარასკევი, დიდიშაბათი, აღდგომა, მიცვალებულთა მოხსენიების დღე (აღდგომის შემდეგი ორშაბათი). აღდგომა 24 აპრილსაა, შესაბამისად, მოსწავლეები 22 აპრილიდან 25 აპრილის ჩათვლით დაისვენებენ.