„არც მიჭამია, ჩაიც არ დამილევია, შემიშვით, ძალიან გთხოვთ“ - ინგლისურის გამოცდაზე ორმა აბიტურიენტმა დააგვიანა

177-ე სკოლაში გახსნილ საგამოცდო ცენტრში ინგლისურის გამოცდაზე დღეს ორმა აბიტურიენტმა დააგვიანა. ერთმა 1 წუთით, მეორემ კი, 3. 

„შემიშვით რა, ძალიან გთხოვთ. ბოჭორიშვილის კლინიკაში ვიწექი ერთი კვირის წინ, მოწამლული ვიყავი, ქართული გამოცდაც გადამივადეს, იციან... ისნიდან მოვდივართ ტაქსით, არც მიჭამია, ჩაიც არ დამილევია, შემიშვით ძალიან გთხოვთ“, - აღნიშნა აბიტურიენტმა.

შეფასებისა და გამოცდების ეროვნული ცენტრის წარმომადგენლებმა დაგვიანებული აბიტურიენტები გამოცდაზე არ შეუშვეს.

წყარო: etalon