„ეს არის კოსმიური საგამოცდო პერიოდი! 6 ზოდიაქო წარმატებულია, 6 ნაკლებად“ - მიხეილ ცაგარელი

ასტროლოგი მიხეილ ცაგარელი აცხადებს, რომ დედამიწა უარყოფით ენერგოველში გადავიდა, სადაც 13 თებერვლამდე დარჩება. შესაბამისად, ამ დროის განმავლობაში საჭიროა სიმშვიდე და საკუთარი თავის კონტროლი, რადგან ემოციური დაძაბულობა მატულობს.

„ყურადღება მიაქციეთ იმას, რომ შემდეგი კვირა ფრთხილად გავიაროთ. არავითარი საქმის გარჩევა, არავითარი კონფლიქტები, არავითარი ზედმეტი ძალისხმევა სარისკო, რაც იქნება პრობლემების მომტანი - აი ამას მიაქციეთ ყურადღება. 

ეს არის ერთგვარი კოსმიური საგამოცდო პერიოდი ყველასთვის. 

6 ზოდიაქო წარმატებულია, 6 - ნაკლებად. პირველ რიგში, ჰაერის სტიქიის ნიშნები არიან წარმატებულები: მერწყული, ტყუპები და სასწორი; შემდგომ მოდის ცეცხლის სტიქია: ვერძი, ლომი და მშვილდოსანი, ახლა მათი დროა, თუმცა, ამ ტენდენციებიდან გამომდინარე, ელოდებათ წყალქვეშა დინებები და სირთულეები. ამიტომ, უახლოესი 2 კვირის განმავლობაში, ყველა ფრთხილად უნდა იყოს.“ - აცხადებს ცაგარელი.