1789719182

ვლადიმერ პუტინი პროვოკაციების მეშვეობით ცდილობს, ბრძოლის ველზე არსებული არახელსაყრელი მდგომარეობიდან ყურადღება გადაიტანოს, ჩვენ ამ პროვოკაციებს არ უნდა ავყვეთ - ჯორჯია მელონი

 რუსეთის პრეზიდენტი ვლადიმერ პუტინი პროვოკაციების მეშვეობით ცდილობს, ბრძოლის ველზე არსებული არახელსაყრელი მდგომარეობიდან ყურადღება გადაიტანოს, ჩვენ ამ პროვოკაციებს არ უნდა ავყვეთ, – ამის შესახებ იტალიის პრემიერ-მინისტრმა, ჯორჯია მელონიმ ნორვეგიაში ვიზიტის დროს განაცხადა.მისი თქმით, პუტინი ევროპასთან ვითარების ესკალაციასა და ევროპელი მოკავშირეების პროვოცირებას ცდილობს, რადგან ვითარება ბრძოლის ველზე ისე არ ვითარდება, როგორც ის პროგნოზირებდა.„ვფიქრობ, ყველა შეამჩნევდა რუსული პროვოკაციების გახშირებას – ბოლო რამდენიმე კვირის განმავლობაში არაერთი შემთხვევა ვიხილეთ. ჩვენ საკუთარ თავს უნდა ვკითხოთ, რატომ? მოსკოვის მხრიდან პროვოკაციები მრავლდება, რადგან პუტინს ყურადღების გადატანა სჭირდება. ის ცდილობს, ევროპასთან ესკალაცია გამოიწვიოს და ამ გზით ყურადღება გადაიტანოს ბრძოლის ველზე არსებული მდგომარეობიდან, რომელიც მისი დაპირებების საწინააღმდეგოდ ვითარდება. ჩვენ საკუთარ თავს უნდა ვკითხოთ, ვისთვის არის ესკალაცია ხელსაყრელი და შესაბამისად ვიმოქმედოთ. ჩვენ არ უნდა ავყვეთ პროვოკაციებს. ამის გაკეთება რუსეთს უფრო მეტ სარგებელს მოუტანს, ვიდრე ევროპას“, – აღნიშნა იტალიის პრემიერმა.

1789631220

ნინო ლაცაბიძე: რუსთავის სწრაფ განვითარებას ვაგრძელებთ და საქართველოს მთავრობის უდიდესი თანადგომით, სპორტული ქალაქის მშენებლობას დავიწყებთ

რუსთავში სპორტული ქალაქი აშენდება. საქართველოს ინფრასტრუქტურის სამინისტროს მუნიციპალური განვითარების ფონდის მიერ გამოცხადებულ არქიტექტურულ კონკურსში გამარჯვებული კომპანია „ხმალაძე არქიტექტორები“,  სპორტული ქალაქის პროექტზე უკვე მუშაობს.არქიტექტურულ კომპანიაში გამართულ სამუშაო შეხვედრაზე პროექტის დეტალებზე იმსჯელეს, რომელსაც რუსთავის მერი ნინო ლაცაბიძე, საქართველოს პარლამენტში რუსთავის დელეგატი ირაკლი შატაკიშვილი, პარლამენტარი ალექსანდრე დალაქიშვილი, მერიის ინფრასტრუქტურის სამსახურის ხელმძღვანელი ზურაბ ტაბაღუა და არქიტექტურის სამსახურის წარმომადგენლები ესწრებოდნენ.„რუსთავის სწრაფ განვითარებას ვაგრძელებთ და საქართველოს მთავრობის უდიდესი თანადგომით, რუსთავში სპორტული ქალაქის მშენებლობას დავიწყებთ, რომლის მთავარი კონცეფცია არის - სპორტი ყველასთვის. მალე დავიწყებთ საფეხბურთო სტადიონის მშენებლობასაც და ვემზადებით ბავშვთა რაგბის აკადემიის გასახსნელად.ჩვენი რუსთავი, რომელმაც ქვეყანას უამრავი საამაყო სპორტსმენი გაუზარდა, უნდა გარდავქმნათ ქალაქად, სადაც სპორტი და ჯანსაღი ცხოვრების წესი ქალაქური ცხოვრების სტილი იქნება“, - განაცხადა რუსთავის მერმა ნინო ლაცაბიძემ.სპორტული ქალაქი რუსთავში მტკვრის მარჯვენა სანაპიროზე, ჭალის ტყის მიმდებარედ იმ ტერიტორიაზე აშენდება, სადაც მე-20 საუკუნეში საბავშვო რკინიგზა ფუნქციონირებდა.პროექტით გათვალისწინებულია ღია სპორტული მოედნები და სარეკრეაციო ზონები. აშენდება 1500 მაყურებელზე გათვლილი მრავალფუნქციური დარბაზი, საცურაო აუზები, დახურული სავარჯიშო დარბაზები. მოეწყობა ფეხბურთის, ჩოგბურთის, პადელის და ტანვარჯიშის სივრცეები, ღია სპორტული მოედნები. დაგეგმილია 6-ზოლიანი სარბენი და უწყვეტი ველობილიკების მოწყობაც.სპორტული ქალაქის პარალელურად, რუსთავში, უეფას მე-4 კატეგორიის საფეხბურთო სტადიონის მშენებლობაც იგეგმება და  მალე ბავშვთა რაგბის აკადემიაც გაიხსნება.

1786434359

ვაზიანის სატრანსპორტო კვანძი - თოხლიაურის სატრანსპორტო კვანძზე ავტოტრანსპორტის მოძრაობა თავისუფალია

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, საქართველოს საავტომობილო გზების დეპარტამენტთან გაფორმებული ხელშეკრულების საფუძველზე, “China Road and Bridge Corporation”-მა განახორციელა ვაზიანი-საგარეჯოს (ლოტი 1) კმ4-კმ27 მონაკვეთის სამშენებლო სამუშაოები, რომლის ფარგლებშიც განათების სისტემის ტესტირების სამუშაოები განსაზღვრულ ვადაზე ადრე დაასრულა და საერთაშორისო მნიშვნელობის თბილისი-ბაკურციხე-ლაგოდეხის საავტომობილო გზის კმ24 (ვაზიანის სატრანსპორტო კვანძი) - კმ57-ში (თოხლიაურის სატრანსპორტო კვანძი) გამავალ მონაკვეთზე ორივე მიმართულებით ავტოტრანსპორტის მოძრაობა უკვე გახსნილია.

1785491383

საქართველოს ეროვნული ბანკი მოსახლეობას აფრთხილებს

საქართველოს ეროვნული ბანკი კიდევ ერთხელ აფრთხილებს მოსახლეობას, საკუთარი თანხების დაბანდებამდე, მათი დაკარგვის რისკის თავიდან აცილების მიზნით, აუცილებლად გამოიჩინონ განსაკუთრებული სიფრთხილე.„ბოლო პერიოდში სოციალურ ქსელებსა და მედიასივრცეში აქტიურად ვრცელდება ინფორმაცია, რომ ბაზარზე გამოჩნდნენ კომპანიები, რომლებიც კრიპტო აქტივებით ვაჭრობის გზით სარგებლის მიღების მიზნით, მოსახლეობისგან ფულად სახსრებს იზიდავენ. მსგავსი ტიპის საქმიანობა შესაძლოა წარმოადგენდეს "ფინანსური პირამიდის" კლასიკურ მოდელს, რომლის მთავარი მიზანია არა ბიზნესის განვითარება, არამედ ბევრი ახალი წევრის ჩართვა და მათი სახსრების მოზიდვა. მიუხედავად იმისა, თუ რამდენად წარმატებული ჩანს კომპანია დროის რომელიმე მომენტში, სქემა აუცილებლად იშლება, როდესაც შეუძლებელი ხდება ახალი წევრის და/ან დამატებითი თანხის მოზიდვა და შედეგად, კომპანია ვეღარ ისტუმრებს წევრების მიმართ არსებულ ვალდებულებებს.ყველა მსგავსი  სქემა მაღალი რისკის შემცველია, რამდენადაც მათი დაშლის წინასწარ განჭვრეტა პრაქტიკულად შეუძლებელია.საქართველოს ეროვნული ბანკი კიდევ ერთხელ აფრთხილებს მოსახლეობას, საკუთარი თანხების დაბანდებამდე, მათი დაკარგვის რისკის თავიდან აცილების მიზნით, აუცილებლად გამოიჩინონ განსაკუთრებული სიფრთხილეყ. უპირველეს ყოვლისა, წინასწარ მოიძიონ ინფორმაცია კომპანიის სანდოობისა და საქმიანობის, ასევე მისი გადამხდელუნარიანობის შესახებ, გაარკვიონ რეგულირდება თუ არა მსგავსი კომპანია რომელიმე უწყების მიერ. ასეთი კომპანიები, მოქალაქეთა შეცდომაში შეყვანის მიზნით, შეიძლება ორგანიზაციის დასახელებაში იყენებდნენ ტერმინებს "საფინანსო", "საბროკერო", "საინვესტიციო", და ა.შ. რაც ავტომატურად არ გულისხმობს, რომ ეს კომპანია არის საქართველოს ეროვნული ბანკის მიერ რეგულირებული ან/და ლიცენზირებული სუბიექტი.მოვუწოდებთ მოსახლეობას, თანხის დაბანდების გადაწყვეტილება მხოლოდ სანდო ინფორმაციაზე დაყრდნობით, ასევე შესაძლო რისკების შესწავლისა და გააზრების შემდგომ მიიღონ“, - აღნიშნულია განცხადებაში.

1784803344

საქართველოს ელჩმა გერმანიის პრეზიდენტს რწმუნებათა სიგელები გადასცა

 საქართველოს საგანგებო და სრულუფლებიანმა ელჩმა გერმანიის ფედერაციულ რესპუბლიკაში, ალექსანდრე კარტოზიამ გერმანიის ფედერალურ პრეზიდენტს, ფრანკ-ვალტერ შტაინმაიერს რწმუნებათა სიგელები გადასცა.შეგახსენებთ, ალექსანდრე კარტოზია აღნიშნულ პოსტზე 10 თვის წინ დაინიშნა.

1784528456

აკრძალულია ყველა სახის ავტოტრანსპორტის მოძრაობა - საყდრის ხიდის მიმდებარე მონაკვეთზე, სტიქიის შედეგების სალიკვიდაციო სამუშაოები მიმდინარეობს

ლენტეხის მუნიციპალიტეტის მერი გიორგი გაზდელიანი, საკრებულოს თავმჯდომარე დავით პირველთან ერთად ქუთაისი–წყალტუბო–ცაგერი–ლენტეხის საავტომობილო გზის 98-ე კილომეტრზე, საყდრის ხიდის მიმდებარე მონაკვეთზე, სტიქიის შედეგების სალიკვიდაციო სამუშაოებს გაეცნო.ძლიერი ნალექისა და მდინარის ადიდების შედეგად წყალი გადმოვიდა საავტომობილო გზაზე, რის გამოც, უსაფრთხოების უზრუნველყოფის მიზნით, აღნიშნულ მონაკვეთზე დროებით აკრძალულია ყველა სახის ავტოტრანსპორტის მოძრაობა.ამ დროისთვის ინტენსიურად მიმდინარეობს გაწმენდითი სამუშაოები. პროცესში ჩართული არიან შესაბამისი უწყებების სამსახურები და მათთან კოორდინაციით, მიმდინარეობს დამატებითი სპეციალური ტექნიკის მობილიზება.მოქალაქეებს მოვუწოდებთ, გაითვალისწინონ მოქმედი შეზღუდვები, დაემორჩილონ ადგილზე განთავსებულ საგზაო ნიშნებსა და უფლებამოსილი უწყებების წარმომადგენელთა მითითებებს.

1780906553

ფშაველი-აბანო-ომალოს გზის წმენდა ინტენსიურ რეჟიმში მიმდინარეობს

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ფშაველი-აბანო-ომალოს საავტომობილო გზის საუღელტეხილო მონაკვეთზე გაწმენდითი სამუშაოები გეგმის შესაბამისად პირველი აპრილიდან მიმდინარეობს.სამუშაოების მიმდინარეობისას, აპრილის შუა რიცხვებში, გზაზე ზვავები და ჩამონაშალები ჩამოვიდა, რის შედეგადაც დაზიანდა სპეციალური ტექნიკა. სტიქიური პროცესების გამო, უკვე გაწმენდილ მონაკვეთებზე ტრანსპორტის გადაადგილება კვლავ შეიზღუდა და გზის გახსნის სამუშაოების გაგრძელება შეუძლებელი გახდა.ვითარების გათვალისწინებით, კონტრაქტორმა კომპანიამ დამატებითი ტექნიკის მობილიზებით გზის უკვე გაწმენდილი მონაკვეთების ხელმეორედ წმენდა დაიწყო. სამუშაოების შეუფერხებლად მიმდინარეობისთვის დამატებითი ტექნიკა ზვავსაშიშ მონაკვეთებზეა მობილიზებული.აღსანიშნავია, რომ მიმდინარე წელს საუღელტეხილო მონაკვეთზე თოვლის უპრეცედენტოდ დიდი რაოდენობა დაფიქსირდა. ზოგიერთ ზვავსაშიშ უბანზე თოვლის მასის სიმაღლე 15 მეტრსაც კი აღემატება.ამჟამად სამუშაოები გზის 42-ე კილომეტრზე, აბანოს უღელტეხილის მიმდებარედ მიმდინარეობს ექსკავატორებით, დამტვირთველებითა და ბულდოზერებით. რელიეფისა და გზის განსაკუთრებული სირთულის გამო, სხვა ტიპის მძიმე სპეციალური ტექნიკის გამოყენება აღნიშნულ მონაკვეთზე შეუძლებელია.ფშაველი-აბანო-ომალოს გზაზე ზამთრის პერიოდში გადაადგილება რთული კლიმატური და გეოგრაფიული პირობების გამო აკრძალულია. წლის დანარჩენ პერიოდში კი გზით სარგებლობა მხოლოდ მაღალი გამავლობის ავტოტრანსპორტისთვის არის დაშვებული.ფშაველი-აბანო-ომალოს გზა ევროპაში ერთ-ერთ ყველაზე რთულ და გამორჩეულ მაღალმთიან საავტომობილო გზად მიიჩნევა.

1780384718

სერბეთი რუსეთისთვის უვიზო რეჟიმის გაუქმებას არ გეგმავს - ვუჩიჩი

 სერბეთის პრეზიდენტის ალექსანდარ ვუჩიჩის განცხადებით, ოფიციალური ბელგრადი ევროინტეგრაციის ფარგლებში რუსეთის მოქალაქეებისთვის სავიზო რეჟიმის დაწესებას არ აპირებს. ინფორმაციას სერბული მედია ავრცელებს.მანამდე სერბეთის პარლამენტის დიასპორისა და რეგიონის სერბების კომიტეტის თავმჯდომარემ დრაგან სტანოევიჩმა განაცხადა, რომ ქვეყნის ხელისუფლება რუსეთის მოქალაქეებისთვის სავიზო რეჟიმის შემოღებას განიხილავს.ვუჩიჩის განცხადებით, ეს „დეზინფორმაცია“ იყო.„მოვისმინე ამბავი, რომ სერბეთი რუსებისთვის ვიზებს აწესებს. არ ვიცოდი, თუ რაზე იყო საუბარი. დავურეკე ანა ბრნაბიჩს [სერბეთის პარლამენტის თავმჯდომარე] და ვკითხე, რამეს ხომ არ უყარეს კენჭი, რამეს ხომ არ გინიხილავენ. მან მითხრა, რომ მსგავსი არაფერი მომხდარა. ვიღაცამ აღნიშნული დეზინფორმაციით სერბეთს ავნო“, - განაცხადა ვუჩიჩმა.სერბეთის პრეზიდენტმა ხაზი გაუსვა, რომ ბელგრადი, ევროკავშირის მუქარების მიუხედავად, რუსეთთან უვიზო რეჟიმს არ გააუქმებს.„ასეთი გადაწყვეტილება მიღებული არ იქნება. ვინმემ რომც მიიღოს, მას მალევე გააუქმებენ“, - დასძინა ვუჩიჩმა.

1776232774

დონალდ ტრამპი - ირანთან ომი დასასრულთან ახლოსაა, თუმცა დასრულებული არ არის, ვფიქრობ, მათ ძალიან სურთ შეთანხმების დადება

 ირანთან ომი დასასრულთან ახლოსაა, თუმცა დასრულებული არ არის, – ამის შესახებ აშშ-ის პრეზიდენტმა „ფოქს ნიუსთან“ ინტერვიუში განაცხადა.მისივე თქმით, ფიქრობს, რომ ირანელებს ძალიან სურთ შეთანხმების დადება.„ვფიქრობ, რომ ყველაფერი დასასრულს უახლოვდება. იცით რა? თუ ახლავე დავდებდი ფსონებს, მათ 20 წელი დასჭირდებოდათ ამ ქვეყნის აღსადგენად და ჩვენ ჯერ არ დაგვისრულებია. ვნახოთ, რა მოხდება. ვფიქრობ, მათ ძალიან სურთ შეთანხმების დადება“, – განაცხადა ტრამპმა.

1775544470

ქუთაისში ჩხობაძის სახელობის კლინიკა გაიხსნა

ქუთაისში ო. ჩხობაძის სახელობის კლინიკა გაიხსნა. განახლებული მრავალპროფილური სამედიცინო დაწესებულება მოსახლეობას თანამედროვე ინფრასტრუქტურითა და მაღალი სტანდარტის სერვისებით მოემსახურება.კლინიკის რეაბილიტაცია ქალაქში ერთ-ერთ ყველაზე მასშტაბურ პროექტს წარმოადგენს და იგი ჯანდაცვის სამინისტროს მხარდაჭერით განხორციელდა. სარეაბილიტაციო სამუშაოები რამდენიმე თვის განმავლობაში მიმდინარეობდა, რომლის ფარგლებშიც სრულად განახლდა გადაუდებელი დახმარების განყოფილება, საოპერაციო ბლოკი, რეანიმაცია და ქირურგიული დეპარტამენტები.კლინიკაში იმყოფებოდა ჯანდაცვის მინისტრი. მიხეილ სარჯველაძემ განახლებული ინფრასტრუქტურა დაათვალიერა და სამედიცინო პერსონალს შეხვდა.  მინისტრის განცხადებით,  მსგავსი პროექტები მნიშვნელოვნად უწყობს ხელს რეგიონში ხარისხიანი სამედიცინო მომსახურების ხელმისაწვდომობას.კლინიკა დასავლეთ საქართველოს მოსახლეობას თანამედროვე ტექნოლოგიებით აღჭურვილ გარემოში დიაგნოსტიკისა და მკურნალობის გაუმჯობესებულ შესაძლებლობებს შესთავაზებს. სამედიცინო მომსახურებას კლინიკაში 85 ექიმი და 100 ექთანი უზრუნველყოფს.მინისტრთან ერთად, კლინიკაში იმყოფებოდნენ: პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე, საქართველოს სამედიცინო ჰოლდინგის დირექტორი მალხაზ ჟორჟიკაშვილი, რეგიონული ჯანდაცვის ცენტრის დირექტორი არჩილ მამალაძე და ადგილობრივი ხელისუფლების წარმომადგენლები.

1775043506

"როგორც ჩანს, ძალიან დასწყდათ გული, ჩვენი ხალხის ერთსულოვნება რომ იხილეს და უნდათ, ანტიპიარით დააზიანონ ის" - რატი იონათამიშვილი პატრიარქის დაკრძალვის ხარჯების დათვლაზე

 ვინც გაბედავს და წინ აღუდგება ჩვენს ტრადიციებს, ჩვენს წმინდა ეროვნულ და სარწმუნოებრივ ინსტიტუტებს, რა თქმა უნდა, ის ქართველ ხალხთან დამარცხდება, - განაცხადა ადამიანის უფლებების დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა რადიკალების მხრიდან ეკლესიაზე თავდასხმის შემთხვევების შეფასებისას.მისივე თქმით, რადიკალების გეგმებს ამ კუთხით განხორციელება არ უწერია.„რადიკალების მხრიდან ეკლესიაზე თავდასხმა, რა თქმა უნდა, არ არის არც შემთხვევითი და არც სპონტანური. ეს არის მათი პატრონების მხრიდან კარგა ხნის წინ დაგეგმილი, გრძელვადიანი კამპანიის ნაწილი. სხვა საკითხია, რომ ამ გეგმას განხორციელება არ უწერია და იგი განწირულია ჩავარდნისთვის, მაგრამ ის ფაქტი, რომ ამ ადამიანებმა თუნდაც, სულ ცოტა ხნის წინ ნახეს, რწმენამ როგორ გააერთიანა სრულიად საქართველო და მაინც დღეს ცდილობენ, თავს დაესხნენ ეკლესიას, მეტყველებს მათ სულიერ დაცემულობაზე. შესაბამისად, ვინც გაბედავს და წინ აღუდგება ჩვენს ტრადიციებს, ჩვენს წმინდა ეროვნულ და სარწმუნოებრივ ინსტიტუტებს, რა თქმა უნდა, ის ქართველ ხალხთან დამარცხდება“, - აღნიშნა იონათამიშვილმა.

1774852891

რუსთავში, დევნილი ოჯახებისთვის, თანამედროვე სტანდარტების საცხოვრებელი კომპლექსი შენდება

რუსთავში, დევნილი ოჯახების განსახლების მიზნით, თანამედროვე სტანდარტების შესაბამისი საცხოვრებელი კომპლექსის მშენებლობა მიმდინარეობს.4 ახალაშენებულ კორპუსში, სრულად გარემონტებულ ბინას, 800 დევნილი ოჯახი მიიღებს. პროექტი საცხოვრებელი კომპლექსის ტერიტორიაზე სტადიონის, ბავშვთა გასართობი მოედნისა და სავარჯიშო სივრცეების მოწყობას ითვალისწინებს.მშენებლობა სახელმწიფო ბიუჯეტიდან ფინანსდება და მისი ღირებულება 80 971 596 ლარს შეადგენს.ამასთან, მნიშვნელოვანია, რომ დევნილთა სააგენტო, აღნიშნულ საცხოვრებელ კომპლექსში განსახლების მსურველი დევნილი ოჯახების მიერ შევსებული განაცხადების შეფასებას აქტიურ რეჟიმში ახორციელებს. თითოეულ ოჯახს, კანონმდებლობის შესაბამისად, წინასწარი ქულა ენიჭება. შეფასების პროცესის დასრულების შემდეგ, კომისია განსაზღვრავს რამდენ ქულიანი ოჯახები დაექვემდებარებიან მონიტორინგს.სამშენებლო სამუშაოების მიმდინარეობას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გიორგი ცაგარეიშვილი და დევნილთა სააგენტოს დირექტორი დავით კაიკაციშვილი ადგილზე გაეცნენ.