1767296460

„2026 წელს საფრთხე ნეგატიურ ადამიანებს ელოდება...“ - ეზოთერიკოსის გაფრთხილება

როგორი იქნება 2026 წელი და რა გველოდება ცეცხლოვანი ცხენის წელში - ამ თემაზე ეზოთერიკოსი ნინა სუსლოვა საუბრობს:- წითელი, ცეცხლოვანი წელი შემოდის. ცხენი საკმაოდ დინჯი, მშვიდი, მომთმენი, გაწონასწორებული ცხოველია. უყვარს სიმყარე, ერთგულება, პატიოსნება. ბოროტ ადამიანებს არ იკარებს. შესაბამისად, 2026 წელს საფრთხე ნეგატიურ ადამიანებს ელოდება. ვინც კეთილია, ვინც ბოროტებას არ ჩადის, სხვებისთვის კარგი, დადებითი უნდა, არ აქვს ნეგატიური განზრახვა, არ არის შურიანი - მისთვის იდეალური პერიოდი ექნება.ცეცხლის კუთხით უკვე აქტიურობაა საჭირო. მიუხედავად იმისა, რომ ცხენი დინჯია, რახან ცეცხლოვანი წელიწადი მოდის, აქტიურობა, თამამი ნაბიჯების გადადგმა და რისკი მნიშვნელოვანია. თუმცა, აუცილებლად დაფიქრებული. არ უნდა ვიყოთ წინდაუხედავები და ამავდროულად, თამამი ნაბიჯები გადავდგათ. მათთვის, ვინც კომფორტის ზონიდან ვერ გამოვლენ, ეცდებიან, ისევ რუტინულად გააგრძელონ ცხოვრება, შეიძლება, რთული პერიოდი იყოს. ცეცხლი უბიძგებს იმისკენ, რომ იმოქმედონ და ნაბიჯები გადადგან. სიყვარულშიც შეგვიძლია, თამამი ნაბიჯები გადავდგათ. ასევე, შეგვიძლია, მივხვდეთ, ვინ არის ჩვენი მეორე ნახევარი, ვინ გვჭირდება... ძალიან კარგი პერიოდია იმისათვის, რომ რაღაცები გადავაფასოთ. რაციონალურობა და შეგრძნება ერთ დონეზე უნდა იყოს.ვინც ამ ენერგიას ფეხს აუწყობს, მათთვის ეს სურვილების ასრულების წელი იქნება. ადამიანებს სურვილების ასრულების შესაძლებლობა მიეცემათ, თუ ენერგიას სწორად მიმართავენ“,- ამბობს ეზოტერიკოსი.

1767174000

შეიძლება, კერძი ძალიან კარგად გამოიყურებოდეს, მაგრამ ჯანმრთელობისათვის საშიში ბაქტერიებით იყოს დაბინძურებული - სურსათის უვნებლობის სპეციალისტის გაფრთხილება

 ხშირად კერძს, რომელიც სადღესასწაულო სუფრაზე დიდი ხნის განმავლობაში გვიდევს, ისევ მაცივარში ვინახავთ ხოლმე და რამდენიმე დღე მივირთმევთ. თუმცა, ცოტამ თუ იცის, რეალურად, რამდენ ხანს ინარჩუნებს საკვები უვნებლობას და როგორ უნდა დავიცვათ თავი მოწამვლისაგან. გადაცემაში "დღის პოსტი" სურსათის უვნებლობის ექსპერტი, ირაკლი არაბული, საკვების უვნებლობის შესახებ საუბრობს და სადღესასწაულო დღეების წინ, მოსახლეობას რეკომენდაციებს უზიარებს:- საახალწლო სუფრის უვნებლობა ძალიან მნიშვნელოვანია. ის პროდუქტი, რომელიც სუფრაზეა და რასაც ვამზადებთ, ჩვენი ჯანმრთელობისათვის უვნებელი უნდა იყოს.საცივი ახალ წელს, ალბათ, ყველას აქვს. როდესაც საცივს სუფრაზე მოვათავსებთ, 2 საათის განმავლობაში შეგვიძლია, სუფრაზე დავტოვოთ. შემდეგ კი მაცივარში შევინახოთ. თუ 4 საათის განმავლობაშია სუფრაზე, შეგვიძლია, მივირთვათ. მაცივარში შენახვა აღარ შეიძლება. თუ სუფრაზე 6 საათის განმავლობაშია გაჩერებული, არც საცივის და არც სხვა კერძების მირთმევა უკვე აღარ შეიძლება.2 საათის შემდეგ ბაქტერიები ოთახის ტემპერატურაზე გამრავლებას იწყებენ. რაც უფრო მაღალია ოთახის ტემპერატურა, უფრო მარტივად ხდება მათი გამრავლება. ამიტომ, 2 საათია ის ზღვარი, რა დროშიც ბაქტერიები არ მრავლდებიან. ბაქტერიების გარკვეული რაოდენობაა საჭირო, რომ ადამიანის ჯანმრთელობისათვის საშიში გახდეს. რაც უფრო მეტი დრო გადის, რაოდენობაში მით მეტად იზრდება. შესაბამისად, დიდი რაოდენობით ბაქტერიები ადამიანის ჯანმრთელობისათვის საზიანოა.თუ საცივი სუფრაზე 6 საათი და მეტი გვაქვს დაყოვნებული, აღარ უნდა გამოვიყენოთმაიონეზიანი კერძები, ასევე ნიგვზიანი პროდუქტები, მალფუჭებადი კერძების კატეგორიაში გადის. აქაც 2-4-6 საათის პრინციპი მოქმედებს. უბრალოდ, მაცივარში შეიძლება, შენახვის უფრო ნაკლები ვადა ჰქონდეს. მაიონეზიანი საკვები მაქსიმუმ 48 საათი შეგვიძლია, მაცივარში შევინახოთ. ნიგვზიანზეც 48 საათია მაქსიმუმი. ნებისმიერ კერძს, რომლებსაც სახლის პირობებში ვამზადებთ, მაცივარში შენახვის მაქსიმალური ვადა შეიძლება, 72 საათი ჰქონდეს. 72 საათიდან არის ნაწილი, რომლებსაც შენახვის ვადა 24, 36 ან 48 საათი აქვს. ყოველ შემთხვევაში, 3 დღეზე მეტი პლიუს-განყოფილებიან მაცივარში კერძები არ უნდა შევინახოთ.გოზინაყი შედარებით მარტივი პროდუქტია, მით უმეტეს, თხილითა და თაფლითაა. ოთახის ტემპერატურაზე 2-3 კვირა თავისუფლად შეგვიძლია, დავტოვოთ. გოზინაყს მაცივარში შენახვა არ სჭირდება.სუფრაზე დადებული საკვების მაცივარში შენახულ კონტეინერში ჩაბრუნებით რისკს ვქმნით. როგორც ვთქვით, შესაძლოა, კერძში ბაქტერიები გამრავლდეს და შესაძლოა, ის პროდუქტი, რომელიც მაცივარშია, დავაბინძუროთ. ამიტომ, უნდა ვეცადოთ, ან პორციებად დავაფასოოთ ან უკან, მთლიან შეფუთვაში აღარ ჩავაბრუნოთ.გაყინვა ერთ-ერთი სწორი მეთოდია. გაყინვის დროს ბაქტერიები ვერ მრავლდებიან. ამიტომ, თუ გვსურს, რომელიმე კერძს უფრო ხანგრძლივი ვადა შევუნარჩუნოთ, გაყინვა ერთ-ერთი ყველაზე ეფექტური საშუალებაა. დაახლოებით, 1 თვის განმავლობაში შეგვიძლია, გამოვიყენოთ.უმჯობესია, ისეთი კერძები გავყინოთ, რომლებიც შემდგომ თერმულ დამუშავებას გადის. რომ გავაცხელებთ, გემოვნური თვისებები შეენახება. სალათების გაყინვა რეკომენდებული არ არის. როდესაც გალღვება, გემოვნური თვისებები დაეკარგება.კერძის გაცხელება მხოლოდ ერთხელ შეიძლება. არ არის აუცილებელი, რომ ავადუღოთ და ხელახლა ვხარშოთ. რაც უფრო ხშირად გავაცხელებთ, სასარგებლო კომპონენტები, უფრო და უფრო დაიკლებს.სოკოს ჩაქაფულის გაცხელება შეიძლება. უბრალოდ, სოკოს განსაკუთრებული მოპყრობა სჭირდება. დარწმუნებულები უნდა ვიყოთ სოკოს სახეობაში, რადგან შეიძლება, ძალიან ცუდ შედეგამდე მივიდეთ. შემოდგომაზე სოკოზე "ბუმი" იყო. ყველა ტყეში მიდიოდა, კრეფდა. წელს ყველაზე მეტი კვებითი ინტოქსიკაცია დაფიქსირდა იმიტომ, რომ სოკოს გარჩევა ყველას არ შეუძლია. სოკოს სახეობასა და უვნებლობაში დარწმუნებულები უნდა ვიყოთ.არის კერძები, რომლებსაც უმად მივირთმევთ და ის არანაირ თერმულ დამუშავებას არ გადის. შეიძლება, დამარილებული იყოს, მაგრამ დამარილება უბრალოდ ბაქტერიების გამრავლებას ხელს უშლის. მაგრამ, თუ დაბინძურებულია, ვერ კლავს. ამიტომ, განსაკუთრებული ყურადღება უნდა მივაქციოთ.როდესაც კერძი ან ინგრედიენტი გაფუჭებულია, სუნი აქვს, იქ ბაქტერიების გამრავლების პროცესი უკვე დიდი ხნის დაწყებულია. თავიდან ეს საერთოდ არ ეტყობა. შეიძლება, კერძი ძალიან კარგად გამოიყურებოდეს და ადამიანის ჯანმრთელობისათვის საშიში ბაქტერიებით იყოს დაბინძურებული. რასაც ეტყობა, იქ უკვე ეს პროცესი დიდი ხნის დაწყებულია და საშიშ ზღვარზეა.რატომღაც, საახალწლოდ ძალიან ბევრ რამეს ვყიდულობთ, ძალიან ბევრ კერძს ვაკეთებთ და მათგან უმეტესობას ნაგავში ვყრით. მაქსიმალურად ვეცადოთ, რომ შესაბამისი რაოდენობის მოვამზადოთ და პორციებად შევინახოთ. ერთხელ გამოტანილი პროდუქტი უკან იმავე კონტეინერში არ დავაბრუნოთ და თუ გვინდა, რომ დიდი ხნის განმავლობაში შევინახოთ, საყინულეში მოვათავსოთ, რომ ვადა გავუხანგრძლივოთ.

1767118661

ევროკავშირში უვიზო რეჟიმის შეჩერების ახალი მექანიზმი დღეიდან შედის ძალაში

დღეიდან ძალაში შედის ევროკავშირში უვიზო რეჟიმის შეჩერების ახალი მექანიზმი. ევროკომისიის მიერ გავრცელებულ განცხადებაში აღნიშნულია, რომ ახალი მექანიზმი უფრო მკაცრი იქნება, ვიდრე წინა ვერსია.მექანიზმი ითვალისწინებს რამდენიმე მნიშვნელოვან ცვლილებას: შეჩერების ამოქმედებისთვის საჭირო ზღვარის შემცირებას. ევროკომისიის განცხადებით, ახალი წესები ევროკავშირს საშუალებას აძლევს, უფრო სწრაფად მოახდინოს რეაგირება პრობლემებზე.როგორც ევროკომისიის განცხადებაშია აღნიშნული, მექანიზმი მუშაობს ეტაპობრივად: პირველ ეტაპზე შეჩერება შეეხება დიპლომატიური, სამსახურებრივი და ოფიციალური პასპორტების მფლობელებს, ხოლო მეორე ეტაპზე, თუ პრობლემები არ მოგვარდება, შეჩერება გავრცელდება მთელ მოსახლეობაზე.ამასთან, ევროკომისიის მიერ მომზადებულ ვიზალიბერალიზაციის შეჩერების შესახებ ყოველწლიური ანგარიშის თანახმად, ახალი მექანიზმის მიზანია, ევროკავშირმა უკეთ გაართვას თავი უვიზო რეჟიმებთან დაკავშირებულ გამოწვევებს.ევროკომისიის მიერ მომზადებული ვიზალიბერალიზაციის შეჩერების შესახებ ყოველწლიური ანგარიში 19 დეკემბერს გამოქვეყნდა, რომელშიც საქართველოზეც არის საუბარი.

1766810100

რამდენ ლარად იყიდით უქმეებზე დოლარს და ევროს

საქართველოს ეროვნული ბანკის მიერ გამოქვეყნებული მონაცემების თანახმად, 27 დეკემბრისთვის ერთი აშშ დოლარი – 2.6959, ევრო –3.1747, ბრიტანული გირვანქა სტერლინგი კი 3.6370 ლარი ეღირება.დღეს კი, ოფიციალური კურსით, ერთი აშშ დოლარი – 2.6966, ევრო –3.1777 ბრიტანული გირვანქა სტერლინგი კი 3.6482 ლარი ღირდა.

1765282400

საქალაქო სასამართლომ ლევან ხაბეიშვილი პატიმრობაში დატოვა

საქალაქო სასამართლომ ლევან ხაბეიშვილი პატიმრობაში დატოვა. სასამართლომ მტკიცებულებების დასაშვებობაზე იმსჯელა.ლევან ხაბეიშვილს ბრალად ედება უკანონო ქმედების ჩასადენად მოხელისათვის ქრთამის დაპირება და სახელმწიფო ხელისუფლების დამხობისაკენ საქვეყნოდ მოწოდება.მურთაზ ზოდელავას კი გამოძიებისთვის ხელის შეშლის მიზნით გამომძიებლის საქმიანობაში ამა თუ იმ ფორმით უკანონო ჩარევა. პროცესს ორივე ბრალდებული ესწრებოდა.

1764952750

შეიძლება თუ არა დამჯდარი ან წამოწოლილი ფსალმუნების კითხვა - მოძღვარი განმარტავს

თუ შეიძლება ტრანსპორტში ლოცვა და პირჯვრის გამოსახვა? - კითხვას მოძღვარი პასუხობს.„ეს კითხვა მრავალს ებადება. ლოცვა, არათუ შეიძლება, საჭიროცაა ყველგან. ამას თვით წმინდა მოციქული პავლე გვასწავლის: მოუკლებელად ილოცევდით (1თეს. 5,17). შეიძლება ვილოცოთ სკვნილით, ან ვიმეოროთ ფსალმუნები და სხვა ლოცვები. ტრანსპორტში ლოცვის გარდა პირჯვრის გადასახვაც შეიძლება.“ - ამბობს მოძღვარი. 

1764352514

მსოფლიოში ყველაზე მაღალი „ჩანჩქერი“, რომელიც წყალქვეშაა

ხმელეთზე ყველაზე მაღალი ჩანჩქერი ვენესუელაში მდებარე ანხელია, თუმცა გაირკვა, რომ არსებობს კიდევ ერთი ადგილი, სადაც ნაკადი უფრო დიდი სიმაღლიდან ეშვება და ის არატიპური ჩანჩქერია, რომელიც წყალქვეშაა.წყალქვეშა ჩანჩქერი  3.5 კილომეტრი სიმაღლისაა, სიგანე კი 160 კილომეტრს შეადგენს.წყალი გრენლანდიის ზღვიდან ირმინგერის ზღვაში ჩაედინება, რა დროსაც მისი მოცულობა წამში დაახლოებით 5 მილიონი კუბური მეტრია.ოკეანოგრაფების ცნობით, ჩანჩქერი გრენლანდიასა და ისლანდიას შორისაა. ის ოკეანის ზედაპირის ქვეშაა განლაგებული და მეცნიერებმა 1989 წელს აღმოაჩინეს. 

1764268996

სუნელებში მწერის კვერცხები, ობი და სხვა დამაბინძურებლები რომ არ გაჩნდნენ, სურსათის უვნებლობის სპეციალისტი რჩევას გვიზიარებს

სურსათის უვნებლობის სპეციალისტი, ირაკლი არაბული, საკუთარ ტიკ-ტოკ გვერდზე საუბრობს, როგორ შევინახოთ სუნელები ისე, რომ ჩვენი ჯანმრთელობისათვის საზიანო არ აღმოჩნდეს:თუ ჩვენ ისეთი შეფუთვით გვაქვს სუნელები, რომელიც მის ხანგრძლივ შენახვას უზრუნველყოფს, ჯობს, თავისივე შეფუთვით შევინახოთ. ამ შემთხვევაში, პროდუქტს თავისი ვადა გააჩნია, რომელიც პროდუქტს ვაკუუმით ინახავს და დიდხანს შეინახება. გარდა ამისა, პროდუქტის ვადის ნახვასა და გაკონტროლებას შევძლებთ. პროდუქტი სხვადასხვა დამაბინძურებლებით არ დაბინძურდება და ასევე, რაც ერთ-ერთი ყველაზე მნიშვნელოვანია, გემოსა და სუნს დიდხანს შეინარჩუნებს.თუ პატარა კონტეინერებში ვინახავთ სუნელს და ვნახავთ, რომ ერთმანეთზე შეწებებულია, ან სუნი, გემო აღარ აქვს, ასეთი პროდუქტი აღარ გამოვიყენოთ, რადგან აქ უკვე სინესტე ან სხვა დამაბინძურებელია მოხვედრილი, რამაც პროდუქტის გაფუჭება გამოიწვია.  @irakliarabuli1 როგორ შევინახოთ სუნელები? #სურსათისუვნებლობა #ჰასპი #HACCP #ირაკლიარაბულისრჩევები #ჰასპისდანერგვა ♬ original sound - Irakli arabuli

1763407813

18 ნოემბრის ასტროლოგიური პროგნოზი

ვერძიდიდ ინტერესს იწვევს თქვენი გასაიდუმლოებული თუ იდუმალებით მოცული ურთიერთობები. ყურადღება თქვენი პერსონის მიმართ იზრდება.კუროდღეს, სიმშვიდე და პოზიტიურ ადამიანებთან ურთიერთობა, ან სასიამოვნო გარემოცვა ძალებს შეგმატებთ.ტყუპებიმოთოკეთ თქვენი ბობოქარი გრძნობები, იყავით მომთმენი და თანაგრძნობა გამოიჩინეთ სხვათა მიმართ.კირჩხიბიდღეს, დიდია სიურპრიზებისა და სასიამოვნო მოულოდნელობების ალბათობა.ლომითქვენი კომუნიკაბელურობა იზრდება, თქვენი პოპულარობა მწვერვალს მიაღწევს. კარგია, ამ დღეს დაგეგმოთ არაფორმალური შეხვედრები, უარი არ თქვათ წვეულებაზე.ქალწულიაუცილებლად დაისვენეთ აქტიურად, გაამრავლეთ კონტაქტები და სამომავლოდ, პროფესიულ საქმიანობასა და კარიერულ საკითხებში, სასიამოვნო ცვლილებებს და წარმატებას ელოდეთ.სასწორიიყავით ჰარმონიაში საკუთარ თავთან და ზედმეტად ნუ გადაიტვირთებით.მორიელითეორიული მიღწევები მნიშვნელოვანია, მაგრამ პრაქტიკული საქმიანობით უნდა გამყარდეს. ამასთან, დასვენების დროც გამოძებნეთ.მშვილდოსანიკარგი იქნება, თუ დაეხმარებით თქვენს ახლობელს, რომელსაც აუცილებლად ესაჭიროება დახმარება და მხარში დგომა თქვენგან.თხის რქაარის ალბათობა, რთულ მოლაპარაკებებში, ან გარჩევებში მოგიწიოთ ჩართვა, მაგრამ მიუხედავად დაძაბული ფონისა, შესაძლოა, თქვენთვის, სამომავლოდ,მნიშვნელოვანი აღმოჩნდეს ეს სიტუაცია.მერწყულიახალ იდეებს ყურადღება მიაქციეთ, არის ალბათობა, ძალიან სასარგებლო აღმოჩენა გააკეთოთ.თევზებიფრთხილად ფულთან, უაზრო წვრილმანების შეძენით ნუ გაატანთ ქარს თქვენს ფინანსებს.

1762539611

როდემდე გაგრძელდება თბილი ამინდები - განახლებული პროგნოზი

გარემოს ეროვნული სააგენტოს ცნობით, 11 ნოემბრამდე საქართველოში შენარჩუნებული იქნება თბილი და უმეტესად უნალექო ამინდი.მათივე ცნობით, თბილისში თბილი და უნალექო ამინდია მოსალოდნელი, ჰაერის ტემპერატურა დღისით +21, +23 გრადუსი დაფიქსირდება.„სანაპირო რაიონებში (ბათუმი, ქობულეთი, ანაკლია, ფოთი): თბილი და უნალექო ამინდი იქნება. ჰაერის ტემპერატურა დღისით +21, +23 გრადუსი დაფიქსირდება.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) თბილი და უნალექო ამინდია მოსალოდნელი. ჰაერის ტემპერატურა დღისით +23, +25 გრადუსი დაფიქსირდება.დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): თბილი და უნალექო ამინდია მოსალოდნელი. ჰაერის ტემპერატურა დღისით +22, +24 გრადუსი დაფიქსირდება.დასავლეთ საქართველოს მაღალმთიან რაიონებში (მესტია, ბახმარო): უნალექო ამინდია მოსალოდნელი. ჰაერის ტემპერატურა დღისით +19, +21 გრადუსი დაფიქსირდება.ქართლში (რუსთავი, ბოლნისი, მარნეული, გარდაბანი, გორი, ცხინვალი): უმეტესად უნალექო ამინდია მოსალოდნელი. ჰაერის ტემპერატურა დღისით +21, +23 გრადუსი დაფიქსირდება.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): უმეტესად უნალექო ამინდია მოსალოდნელი. ჰაერის ტემპერატურა დღისით +22, +24 გრადუსი დაფიქსირდება.აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): უმეტესად უნალექო ამინდია მოსალოდნელი. ჰაერის ტემპერატურა დღისით +20, +22 გრადუსი დაფიქსირდება.აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): უმეტესად უნალექო ამინდია მოსალოდნელი. ჰაერის ტემპერატურა დღისით +13, +18 გრადუსი დაფიქსირდება.ამინდის შესახებ დეტალური ინფორმაცია იხილეთ ბმულზე: meteo.gov.ge“,- აღნიშნულია ინფორმაციაში

1761679861

გაზი ორი დღით შეწყდება - „თბილისი ენერჯი“ აბონენტებს აფრთხილებს

„თბილისი ენერჯი“ განცხადებას ავრცელებს:„ხვალ - 29 ოქტომბრის 12:00 სთ-დან 31 ოქტომბრის 12:00 სთ-მდე ზამთრის სეზონისთვის მოსამზადებელ სამუშაოებთან დაკავშირებით გაზმომარაგება გლდანში 19 000 აბონენტს შეუწყდება.გაზმომარაგების აღდგენა დაიწყება 31 ოქტომბერს 10:00 სთ-დან და დასრულდება 22:00 საათისთვის.ქუჩების ჩამონათვალი იხილეთ ბმულზე.თბილისი ენერჯი ბოდიშს გიხდით შექმნილი დისკომფორტის გამო.გთხოვთ ყურადღებით იყოთ და არ დატოვოთ გაზის ონკანები ღია მდგომარეობაში.თუ იგრძენით გაზის სუნი დარეკეთ მითითებულ ნომრებზე:ცხელი ხაზი: +995 32 2404004სწრაფი რეაგირების სამსახური 114“,- ნათქვამია განცხადებაში.

1761028255

იუსტიციის სამინისტრო: ევროპის საბჭოს ექსპერტთა ჯგუფის ანგარიშის თანახმად, საქართველოს მთავრობამ ბოლო წლებში პოზიტიური ნაბიჯები გადადგა ტრეფიკინგის წინააღმდეგ მექანიზმების განვითარებისთვის

საქართველოს იუსტიციის სამინისტროს ინფორმაციით, ადამიანით ვაჭრობის (ტრეფიკინგის) საკითხებში ევროპის საბჭოს ექსპერტთა ჯგუფის (GRETA) შეფასების რიგით მე-4 რაუნდის ანგარიში გამოქვეყნდა.მათივე ცნობით, ანგარიშის მიხედვით, ბოლო წლების განმავლობაში საქართველოს მთავრობამ პოზიტიური ნაბიჯები გადადგა ტრეფიკინგის წინააღმდეგ საკანონმდებლო, ინსტიტუციური და პოლიტიკური მექანიზმების შემდგომი განვითარებისთვის.„2025 წლის 20 ოქტომბერს გამოქვეყნდა ადამიანით ვაჭრობის (ტრეფიკინგის) საკითხებში ევროპის საბჭოს ექსპერტთა ჯგუფის (GRETA) შეფასების რიგით მე-4 რაუნდის ანგარიში. „ადამიანით ვაჭრობის წინააღმდეგ ბრძოლის შესახებ“ ევროპის საბჭოს კონვენციის შესრულების შეფასების მე-4 რაუნდი დაეთმო ადამიანით ვაჭრობისათვის მოწყვლადი ჯგუფების გამოვლენასა და მათ დაცვას. ანგარიშის თანახმად, ბოლო წლების განმავლობაში საქართველოს მთავრობამ პოზიტიური ნაბიჯები გადადგა ტრეფიკინგის წინააღმდეგ საკანონმდებლო, ინსტიტუციური და პოლიტიკური მექანიზმების შემდგომი განვითარებისთვის. განსაკუთრებული მოწონება დაიმსახურა ტრეფიკინგის წინააღმდეგ სახელმწიფოს თანმიმდევრულმა პოლიტიკამ, რომელსაც ახორციელებს იუსტიციის სამინისტროს ხელმძღვანელობით მოქმედი ადამიანით ვაჭრობის (ტრეფიკინგის) წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭო. ანგარიშში, ასევე პოზიტიურად შეფასდა დანაშაულის მსხვერპლთა/დაზარალებულთა კომპენსაციის პროცედურის გამარტივება, დანაშაულის გამოვლენაზე პასუხისმგებელი სახელწმიფო უწყებების უფლებამოსილების ზრდა და სფეროში დასაქმებული პროფესიონალების კვალიფიკაციის ამაღლებისკენ მიმართული ღონისძიებები. შეფასების მე-4 რაუნდის ფარგლებში 2024 წლის 23-27 სექტემბერს GRETA-ს დელეგაცია იმყოფებოდა ვიზიტით საქართველოში. საქართველო მნიშვნელოვან ყურადღებას უთმობს ადამიანით ვაჭრობის (ტრეფიკინგის) წინააღმდეგ ეფექტიან ბრძოლას, რომელიც, ასევე, საქართველოს ევროკავშირში ინტეგრაციის პროცესის მნიშვნელოვანი ნაწილია და ქმნის ტრანსნაციონალურ ორგანიზებულ დანაშაულთან ბრძოლის კუთხით ქვეყანასა და რეგიონში უსაფრთხო, საიმედო გარემოს“, – ნათქვამია იუსტიციის სამინისტროს ინფორმაციაში.იუსტიციის სამინისტროს ცნობით, GRETA-ს შეფასების მე-4 რაუნდის ანგარიშში აღნიშნული პროგრესი ადამიანით ვაჭრობის (ტრეფიკინგის) წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს ეფექტიანი მუშაობის შედეგია.„საბჭოს საქართველოს იუსტიციის მინისტრი ხელმძღვანელობს და მის შემადგენლობაში შედის ყველა შესაბამისი სახელმწიფო უწყების, სახალხო დამცველის აპარატისა და პარტნიორი ორგანიზაციების წარმომადგენლები. GRETA-ს შეფასების მე-4 რაუნდის ანგარიში იმეორებს ადამიანით ვაჭრობის (ტრეფიკინგის) თაობაზე აშშ-ის სახელმწიფო დეპარტამენტის ყოველწლიური ანგარიშის სულისკვეთებას, რომლის თანახმად ადამიანით ვაჭრობის (ტრეფიკინგის) დანაშაულის წინააღმდეგ განხორციელებული ღონისძიებებით საქართველო უკვე მე-10 წელია უმაღლეს საფეხურზეა და ინარჩუნებს ადგილს „პირველ კალათაში“, – აღნიშნულია საქართველოს იუსტიციის სამინისტროს ინფორმაციაში.