1722031847

ურთულესი IQ ტესტი მხოლოდ სამი კითხვისგან შედგება: შეამოწმეთ საკუთარი ინტელექტი

IQ ტესტები ძალიან პოპულარულია ინტერნეტში. ითვლება, რომ მათ შეუძლიათ აჩვენონ ადამიანის გონებრივი განვითარების დონე რიცხვებში. ზრდასრულთა საშუალო IQ მერყეობს 85-დან 115-მდე. Microsoft-ის დამფუძნებელს ბილ გეიტსს აქვს 170 ქულა. ხოლო უდიდესი ფიზიკოსის ალბერტ აინშტაინისთვის მან შეიძლება მიაღწიოს 190 ქულას, მაგრამ ეს მხოლოდ ვარაუდია, რადგან მეცნიერს არასოდეს გაუკეთებია IQ ტესტი. როგორც წესი, IQ ტესტები შედგება ათობით ლოგიკური ამოცანებისგან, სირთულის მზარდი დონით. მათ დასრულებას დაახლოებით ნახევარი საათი ან მეტი დრო სჭირდება. მაგრამ არსებობს ტესტი, რომელიც მხოლოდ სამი კითხვისგან შედგება და გაცილებით სწრაფად წყდება.მსოფლიოში ყველაზე სწრაფი IQ ტესტი 2005 წელს შეიქმნა. ის შექმნა ამერიკელმა პროფესორმა შეინ ფრედერიკმა, რომელიც მუშაობდა მასაჩუსეტსის ტექნოლოგიურ ინსტიტუტში. ის შეიცავს მხოლოდ სამ მათემატიკურ კითხვას, რომლებიც მიზნად ისახავს ინტუიციურ რეაქციებს და ადამიანის აზროვნების სხვა პროცესებს.ერთ დღეს ტესტი ჩაუტარდა მოხალისეთა ჯგუფს - 3428 კაცისგან შემდგარს. გასაკვირია, რომ ექსპერიმენტის მონაწილეთა მხოლოდ 17%-მა შეძლო პრობლემების სწორი პასუხების პოვნა. აღმოჩნდა, რომ მათ გადასაჭრელად, თქვენ უნდა გადააგდოთ პირველივე ვარიანტები და შემდეგ კვლავ კარგად დაფიქრდეთ.გაიარეთ IQ ტესტი შეგიძლიათ გაიაროთ უმოკლეს IQ ტესტი ახლავე. ქვემოთ დავწერეთ სამი კითხვა – წაიკითხეთ და პასუხები ჩაწერეთ ფურცელზე ან თქვენთვის მოსახერხებელ ადგილას. პასუხები ქვემოთ მოცემულია, ასე რომ, შედეგის სიზუსტისთვის,  ნუ შეხედავთ!1. ჩოგანისა და ბურთის ნაკრები ღირს 1.10. რა ღირს ბურთი, თუ ჩოგანი 1 ლარით მეტი ღირს?2. ქარხანაში 5 მანქანა 5 წუთში აწარმოებს 5 ნაწილს. რამდენი წუთი დასჭირდება 100 მანქანას, 100 ნაწილის დასამზადებლად?3. ტბაში წყლის შროშანები იზრდება და ისინი ყოველდღიურად ორმაგდებიან. თუ მცენარე 48 დღეში დაფარავს მთელ ტბას, მაშინ რამდენ დღეში დაფარავს ტბის ნახევარს?IQ ტესტზე პასუხებიბევრი ადამიანისთვის ეს ტესტი შეიძლება ძალიან მარტივი ჩანდეს. მაგრამ ყველა კითხვაში არის ეშმაკობა, რის გამოც გაანგარიშება თავიდანვე არასწორია. ქვემოთ იხილავთ IQ ტესტის კითხვების პასუხებს და, დიდი ალბათობით, გაგიკვირდებათ.რა ღირს ბურთი, თუ ჩოგანი ლარით მეტი ღირს?თავდაპირველად, ამ კითხვაზე პასუხი აშკარად ჩანს - უმეტესობა მაშინვე პასუხობს, რომ ჩოგანი 10 თეთრი ღირს. პასუხი ლოგიკური ჩანს, მაგრამ სწორი პასუხის მოსაძებნად საჭიროა მცირე განტოლების ამოხსნა.დაე, ბურთი ღირდეს X ლარი. შემდეგ გამოდის, რომ ჩოგანი ღირს x + 1 ლარი.პრობლემის პირობებიდან გამომდინარე, ნაკრების ჯამური ღირებულებაა x + (x + 1) = 1,10.განტოლების ამოხსნა ასე გამოიყურება:2x + 1 = 1.102x = 1.10 - 12x = 0.10x = 0.10 / 2x = 0.05ანუ ბურთი ღირს 5 თეთრი, ჩოგანი კი 1,05.2. რამდენი წუთი სჭირდება 100 მანქანას 100 ნაწილის შესაქმნელად?ამოცანის პირობის წაკითხვის შემდეგ, ბევრი ადამიანი ინტუიციურად ფიქრობს, რომ 100 მანქანა 100 წუთში აწარმოებს 100 ნაწილს. ეს არასწორი გადაწყვეტილებაა.თუ ქარხანაში მუშაობს 100 მანქანა ერთდროულად, თითოეული მზად არის, 1 ნაწილი დაამზადოს 5 წუთში, მაშინ 100 ნაწილის წარმოებას მაინც 5 წუთი დასჭირდება.3. რამდენი დღე სჭირდება წყლის შროშანებს ტბის ნახევრის დასაფარად?თუ 48 დღეში წყლის შროშანები მთლიანად დაფარავს ტბას, მაშინ აშკარაა, რომ 24 დღეში ავსებენ მის ნახევარს. მაგრამ პასუხი არც ისე აშკარაა.თუ გავითვალისწინებთ იმას, რომ შროშანები ყოველდღიურად ორმაგდებიან და 48 დღეში მთელ ტბას ფარავენ, ეს ნიშნავს, რომ წინა დღეს, ანუ 47-ე დღეს დაფარეს ტბის ნახევარი. ამრიგად, შროშანები ტბის ნახევარს 47 დღეში დაფარავს.როგორც ხედავთ, უსწრაფესი IQ ტესტში ამოცანები ისეა ფორმულირებული, რომ მათი მატყუარა სიმარტივე იწვევს არასწორ პასუხებს. თუ თქვენ მოახერხეთ თუნდაც ერთი ამოცანის სწორად გადაჭრა, ეს კარგი ამბავია - კარგად გაქვთ განვითარებული კოგნიტური ასახვა. ასე ჰქვია ადამიანის უნარს, წინააღმდეგობა გაუწიოს იმპულსურ ქმედებებს.რა თქმა უნდა, შეინ ფრედერიკის ტესტს არ შეიძლება ვუწოდოთ სრულფასოვანი ტესტი ადამიანის IQ-ის დასადგენად. ტერმინი პირველად 1912 წელს გამოიგონა გერმანელმა მეცნიერმა ვილჰელმ შტერნმა.

1722021452

ირაკლი გოგოხია: ზუგდიდის საკრებულოს თავმჯდომარემ, გახარიას პარტიის წევრმა გიგა ფარულავამ მორიგი პოლიტიკური დემაგოგიის ტირაჟირება სცადა

 გუშინ, ზუგდიდის საკრებულოს თავმჯდომარემ, გახარიას პარტიის წევრმა გიგა ფარულავამ მორიგი პოლიტიკური დემაგოგიის ტირაჟირება სცადა, როდესაც განაცხადა, რომ ზუგდიდის საკრებულოდან გამოთავისუფლებულ 40 ათას ლარს მერიას გადასცემს და ეს თანხა მოხმარდება - სოფელ ორსანტიაში ევროპის ქუჩის, ევროპის ქუჩის პირველი შესახვევის, ერეკლე მეორის, ტაბიძისა და სოფელ ნარაზენში სამეგრელოს ქუჩების ბეტონის/ასფალტის საფარის პროექტირების ხარჯებს, - ამის შესახებ ფრაქცია “ქართული ოცნების” თავმჯდომარე ზუგდიდის საკრებულოში, ირაკლი გოგოხია, სოციალურ ქსელში წერს.გოგოხიას განმარტებით, ორსანტიასა და ნარაზენში, ჩამოთვლილი გზების მხოლოდ პროექტირების სამუშაოებს 100 000 ლარი სჭირდება და არა 40 ათასი ლარი, როგორც ეს ზუგდიდის საკრებულოს თავმჯდომარემ განაცხადა. ირაკლი გოგოხია აღნიშნავს იმასაც, რომ საკრებულოს მოქმედ თავმჯდომარეს, პოპულიზმის გარეშე უნდა სცოდნოდა, რა თანხაა საჭირო პროექტირების სამუშაოებისთვის.“გუშინ, ზუგდიდის საკრებულოს თავმჯდომარემ, გახარიას პარტიის წევრმა გიგა ფარულავამ მორიგი პოლიტიკური დემაგოგიის ტირაჟირება სცადა, როდესაც განაცხადა, რომ ზუგდიდის საკრებულოდან გამოთავისუფლებულ 40 ათას ლარს მერიას გადასცემს და ეს თანხა მოხმარდება - სოფელ ორსანტიაში ევროპის ქუჩის, ევროპის ქუჩის პირველი შესახვევის, ერეკლე მეორის, ტაბიძისა და სოფელ ნარაზენში სამეგრელოს ქუჩების ბეტონის/ასფალტის საფარის პროექტირების ხარჯებს. მოდი მივყვეთ დეტალურად: ორსანტიასა და ნარაზენში გიგა ფარულავას მიერ ჩამოთვლილი გზები ჯამში 6 კილომეტრი გამოდის, მისი სავარაუდო ღირებულება 5 მილიონი ლარია, საბაზრო მოთხოვნების შესაბამისად პროექტირებისთვის მშენებლობის ღირებულების 2 პროცენტია გათვალისწინებული, გამოდის რომ ჩამოთვლილი გზების მხოლოდ პროექტირების სამუშაოებს 100 000 ლარი სჭირდება და არა გიგა ფარულავას მიერ საპიაროდ გაცხადებული 40 ათასი ლარი. საკრებულოს მოქმედ თავმჯდომარეს, რომელიც ამ თანამდებობამდე ზუგდიდის მერის პირველი მოადგილის პოსტს იკავებდა და ინფრასტრუქტურას კურირებდა, პოპულიზმის გარეშე უნდა სცოდნოდა - რა თანხა სჭირდება პროექტირების სამუშაოებს. ისე ცნობისთვის, თქვენს მიერ ჩამოთვლილ სოფლებში, მთელ რიგ ქუჩებზე პროექტირების სამუშაოები დასრულებულია, თანხა გამოყოფილია, ტენდერი უახლოეს პერიოდში გამოცხადდება და დავიწყებთ გზების მოწყობის სამუშაოებს: ორსანტიაში: ენგურის, ზუგდიდის, თამარ მეფის, ქუჯის ქუჩების რეაბილიტაციას ვიწყებთ. ნარაზენში - საპერტიოს უბანში, კონსტანტინე გამსახურდიას, კობა სერგიას და მაცხოვრისკარის ქუჩების სრული რეაბილიტაციას ვასრულებთ; ეს ის ქუჩებია, რომლებიც სწორედ ამ სოფლების მოსახლეობასთან შეხვედრის დროს ყველაზე პრობლემურ მონაკვეთებად დასახელდა და სწორედ მოსახლეობის უმეტესობამ მიიღო გადაწყვეტილება უპირატესობა ამ ქუჩებისთვის მიენიჭებინათ.ეს მხოლოდ ამ ორო სოფლის მაგალითზე, საგზაო ინფრასტრუქტურის მიმართულებით განხორციელებული და დაგეგმილი პროექტებია - ციფრები ყველა ადმინისტრაციული ერთეულის გათვალისწინებით ბევრად მასშტაბურია, მოსახლეობის ინტერესების კი მათივე პრიორიტეტის მიხედვით მაქსიმალურად გათვალისწინებული. ჩვენთვის ცნობილია, ორსანტიაში ევროპის ქუჩის, ევროპის ქუჩის პირველი შესახვევის, ერეკლე მეორის, ტაბიძისა და სოფელ ნარაზენში სამეგრელოს ქუჩების მდგომარეობის შესახებ ინფორმაცია, მერიის შესაბამის სამსახურებს შესწავლილი აქვთ ეს ქუჩები, თუმცა ჩვენი მუშაობის სტილი ბატონი გიგასთვისაც ცნობილია: ვაგვარებთ ყველაზე მწვავე, ყველაზე პრობლემურ საგზაო ინფრასტრუქტურას და ასე რიგითობით და დაგეგმილად მივყვებით საქმეს. აუცილებლად მოვახდენთ ამ ქუჩების რეაბილიტაციასაც, არა პოპულისტური პროექტირების საჭირო თანხის მესამედზე ოდნავ მეტის გამოთავისუფლებით, არამედ საქმით - დაგებული გზით და შესრულებული სიტყვით! გიგა, აბრა სხვაა, საქმე სხვაა...” - წერს ირაკლი გოგოხია.

1722007800

დავით ჩიხელიძე: თითოეულმა მოქალაქემ უნდა იცოდეს ოპოზიციის ძირგამომთხრელი საქმიანობის შესახებ, რადგან მეორე ფრონტის გახსნის შემთხვევაში, რაც ოპოზიციის მიზანი იყო და არის, ომის სიმძიმე ყველას შეგვეხებოდა

საქართველოს თითოეულმა მოქალაქემ უნდა იცოდეს ოპოზიციის ძირგამომთხრელი საქმიანობის შესახებ, რადგან მეორე ფრონტის გახსნის შემთხვევაში, რაც ოპოზიციის მიზანი იყო და არის, ომის სიმძიმე ყველას შეგვეხებოდა.- წერს ექსპერტი დავით ჩიხელიძე ოპოზიციის იმ მოთხოვნების შესახებ, რომელიც უკრაინის დასახმარებლად უნდა გაკეთებულიყო.როგორც ჩიხელიძე წერს, პარლამენტის თავმჯდომარის, შალვა პაპუაშვილის ბრიფინგი იყო სრული ლუსტრაცია, თუ როგორი არ უნდა იყოს ოპოზიცია და როგორი უნდა იყოს ქვეყნის მოღალატე ადამიანის სახე. მაგალითად აქუბარდია, დეკანოიძე, ვაშაძე, რომლებიც მთავრობას უკრაინის სამხედრო დახმარებისკენ მოუწოდებდნენ.ექსპერტის თქმით, არათუ საქართველო, არამედ უკრაინისთვის სამხედრო დახმარების გაწევას ევროკავშირის და ნატოს წევრი ქვეყნები ერიდებოდნენ, რაც სწორი და მართებული პოზიცია არის.„ფუჭი აღმოჩნდა ოპოზიციის ძალისხმევა საქართველოში მეორე ფრონტის გახსნასთან დაკავშირებით, საქართველოს მთავრობამ გაუძლო ზეწოლას, ოპოზიცია კი მორიგ ჯერზე დამარცხდა. დღეს პაპუაშვილის ბრიფინგი იყო სრული ლუსტრაცია, თუ როგორი არ უნდა იყოს ოპოზიცია და როგორი უნდა იყოს ქვეყნის მოღალატე ადამიანის სახე. მაგალითად აქუბარდია, დეკანოიძე ვაშაძე და ა.შ. რომლებიც მთავრობას უკრაინის სამხედრო დახმარებისკენ მოუწოდებდნენ, ზოგიერთი უფრო შორს წავიდა და უკრაინის დახმარების კონკრეტული გეგმა წარმოადგინა, რომელიც რეალურად საქართველოს ომში ჩათრევის გეგმა იყო. არათუ საქართველო, არამედ უკრაინისთვის სამხედრო დახმარების გაწევას ევროკავშირის და ნატოს წევრი ქვეყნები ერიდებოდნენ, რაც სწორი და მართებული პოზიცია არის. რომ არაფერი ვთქვათ სანქციების საკითხზე, რომელიც ეროვნული მნიშვნელობის არის და ყველა ქვეყანა ეროვნული ინტერესების გათვალისწინებით მოქმედებს, მათ შორის მოლდოვა, რომელიც ჩვენზე წინ უსამართლოდ დააყენეს და დღემდე რუსეთთან აქტიური სავაჭრო ურთიერთობა აქვს. საქართველოს თითოეულმა მოქალაქემ უნდა იცოდეს ოპოზიციის ძირგამომთხრელი საქმიანობის შესახებ, რადგან მეორე ფრონტის გახსნის შემთხვევაში, რაც ოპოზიციის მიზანი იყო და არის, ომის სიმძიმე ყველას შეგვეხებოდა.”- წერს დავით ჩიხელიძე.

1722005400

ირაკლი კობახიძე საფრანგეთის პრეზიდენტ ემანუელ მაკრონის მიერ ოლიმპიადის მონაწილე სახელმწიფოთა ლიდერების პატივსაცემად გამართულ მიღებას დაესწრო

საქართველოს პრემიერ-მინისტრი ირაკლი კობახიძე საფრანგეთის პრეზიდენტის ოფიციალურ მიღებას დაესწრო, რომელიც პარიზის ზაფხულის ოლიმპიური თამაშების მონაწილე სახელმწიფოთა ლიდერების პატივსაცემად გაიმართა.სახელმწიფოებისა და მთავრობების მეთაურებსა და საერთაშორისო ორგანიზაციების წარმომადგენლებს ემანუელ მაკრონმა, მეუღლესთან ერთად, ელისეის სასახლეში უმასპინძლა. 

1722005371

ცესკოს თავმჯდომარემ საქართველოს დამსაქმებელთა ასოციაციასა და მის წევრებს საარჩევნო სიახლეები გააცნო

 ცენტრალური საარჩევნო კომისიის თავმჯდომარე გიორგი კალანდარიშვილმა საქართველოს დამსაქმებელთა ასოციაციასა და წევრი ბიზნესორგანიზაციების წარმომადგენლებს საარჩევნო სიახლეები და ელექტრონულ ტექნოლოგიები გააცნო. შეხვედრა ელექტრონულ არჩევნებთან დაკავშირებით ფართომასშტაბიანი საინფორმაციო კამპანიის ფარგლებში დღეს გაიმართა. გიორგი კალანდარიშვილმა პრეზენტაციის მიმდინარეობისას დეტალურად ისაუბრა როგორც საარჩევნო ტექნოლოგიებისა და 2024 წლის არჩევნებისთვის მზადებისა პროცესის შესახებ. „ძალიან საინტერესო და მნიშვნელოვანი შეხვედრა გაიმართა დამსაქმებელთა ასოციაციის მხარდაჭერით. გვქონდა საშუალება ბიზნესსექტორის წარმომადგენლებისთვის მიგვეწოდებინა დეტალური ინფორმაცია იმ სიახლეებისა და ტექნოლოგიების შესახებ, რომელსაც 26 ოქტომბრის არჩევნებზე იქნება გამოყენებული. აქტიური კითხვა-პასუხის რეჟიმში ფაქტობრივად ჩვენ ამომწურავად ვისაუბრეთ ყველა აქტუალურ საკითხზე. რა თქმა უნდა, ასეთი საინფორმაციო შეხვედრები გაგრძელდება, იმისათვის რომ მაქსიმალურად მივიტანოთ ინფორმაცია ყველა ამომრჩევლამდე, რათა ერთობლივად უზრუნველვყოთ ამ არჩევნების მაღალ პროფესიულ დონეზე, საერთაშორისო სტანდარტების შესაბამისად ადმინისტრირება“, - აღნიშნა ცესკოს თავმჯდომარემ. შეხვედრის დასასრულს გაიმართა საარჩევნო ტექნოლოგიების დემონსტრაცია და იმიტირებული კენჭისყრა. შეხვედრის მონაწილეებს საშუალება ჰქონდათ პრაქტიკაში გამოეცადათ ვერიფიკაციისა და ხმის მთვლელი აპარატების მუშაობა. საინფორმაციო შეხვედრა საქართველოს დამსაქმებელთა ასოციაციის ინიციატივით დღეს, შერატონ მეტეხი პალასში გაიმართა და მას მოდერაციას ასოციაციის პრეზიდენტი ელგუჯა მელაძე და გამგეობის წევრი ნიკოლოზ ხუნძიკაშვილი უწევდნენ. ტექნოლოგიური სიახლეების შესახებ ამომრჩეველთა ინფორმირება და განათლება საარჩევნო ადმინისტრაციის ერთ-ერთ მთავარ პრიორიტეტს წარმოადგენს. ელექტრონული ტექნოლოგიების დემონსტრაცია ეტაპობრივად იმართება ქვეყნის მასშტაბით ხალხმრავალ ადგილებში, საჯარო და კერძო სტრუქტურებში. დღეის მდგომარეობით უკვე ინფორმირებულია 500 000-მდე ადამიანი.

1722005106

Majid Al Futtaim Retail აგრძელებს “Retail Graduate” პროგრამას  ნიჭიერი ახალგაზრდების გასაძლიერებლად 8 ქვეყანაში

უკვე მეორე წელია, Majid Al Futtaim Retail ახორციელებს სხვადასხვა უნივერსიტეტებიდან ახალი კურსდამთავრებულების 18-თვიან გადამზადების პროგრამას რვა ქვეყანაში. გასულ წელს პროექტში მონაწილეობა მიიღო 71 კანდიდატმა. წელს პროგრამა გაფართოვდა, რაც გაცილებით მეტ ახალგაზრდას მისცემს საშუალებას ჩაერთონ პროექტში. პროგრამა მიზნად ისახავს ახალგაზრდა ნიჭიერი თაობის აღზრდას და მომავალი ლიდერების განვითარებას საცალო ინდუსტრიაში.Majid Al Futtaim Retail-მა, რომელიც „კარფურის“ ექსკლუზიური წარმომადგენელია საქართველოში, ოფიციალურად დაიწყო “Retail Graduate” პროგრამის მეორე ნაკადისთვის განაცხადების მიღება, რომელიც გაგრძელდება 2024 წლის 31 აგვისტომდე, ხოლო შერჩეული კანდიდატები 2024 წლის 1 ოქტომბრიდან ჩაერთვებიან პროგრამაში.აღნიშნული პროგრამა ხორციელდება 8 ქვეყანაში სადაც ოპერირებს Majid Al Futtaim Retail, ეს ქვეყნებია: ლიბანი, კატარი და საუდის არაბეთი, გარდა აქამდე არსებული ქვეყნებისა: ეგვიპტე, საქართველო, კენია, პაკისტანი და არაბთა გაერთიანებული საამიროები.18-თვიანი პროგრამა ახალ კურსდამთავრებულებს აძლევს შესაძლებლობას მიიღონ პრაქტიკული გამოცდილება დინამიკურ საცალო ინდუსტრიაში. სამი ექვსთვიანი როტაციის საშუალებით მონაწილეები შეისწავლიან სხვადასხვა მიმართულებას, მათ შორის საცალო გაყიდვების ბიზნესის მართვა, მაღაზიის საოპერაციო პროცესები, ელექტრონული კომერცია, ხარისხის მართვა და მომხმარებელთა მომსახურება. აღნიშნული პროექტი პირდაპირ კავშირშია Majid Al Futtaim Retail-ის სტრატეგიასთან - გააძლიეროს ახალგაზრდა ნიჭიერი თაობა და განავითაროს მომავალი ლიდერები საცალო ვაჭრობაში.პროგრამის დაწყებასთან დაკავშირებით ბ-ნმა ჟერომ აკელმა, „კარფურ საქართველოს“ გენერალურმა დირექტორმა, აღნიშნა: „Retail Graduate პროგრამის მიზანია აღვზარდოთ მომავალი საცალო ვაჭრობის ლიდერები, რაც ასახავს ჩვენს ხედვას „შევქმნათ საუკეთესო მომენტები ყველასთვის, ყოველ დღე.“ ჩვენი გამოცდილების გაზიარებით და მენტორობით ისინი შეიძენენ ახალ კომპეტენციებს, რაც დაეხმარებათ გაუმკლავდნენ დღევანდელ დინამიკურ ბიზნესგარემოში არსებულ გამოწვევებს, დაამოტივირონ თანამშრომლები და დანერგონ მომხმარებლის გამოცდილებაზე ორიენტირებული კულტურა. მოხარულები ვართ, მივესალმოთ ახალ, ნიჭიერ თაობას, რომელიც შექმნის საცალო ვაჭრობის მომავალს“.მან დასძინა: ”Majid Al Futtaim Retail-ში ჩვენ ვაფასებთ მრავალფეროვნებისა და თანამშრომლობის ძალას. სწავლის უწყვეტი კულტურის შექმნით ხელს ვუწყობთ ინოვაციებს და მომხმარებლის გამოცდილებას. ყოველდღიურად ვაგრძელებთ 770 ათასზე მეტ მომხმარებელთან ჩვენი ბრენდის გამოცდილების გაზიარებას. ყოველთვის ვაძლევთ ახალგაზრდებს განვითარების და პოტენციალის გამოვლენის შესაძლებლობას.დაინტერესებულ კანდიდატებს შეუძლიათ განაცხადები წარმოადგინონ 2024 წლის 31 აგვისტომდე. ეწვიეთ ბმულს:careers.majidalfuttaim.com/go/Graduate-and-Internship-Programmes/3197801/

1722003960

გიორგი კალანდარიშვილი: ეს არჩევნები რამდენიმე გარემოების გამოა მნიშვნელოვანი და ჩვენ ვაკეთებთ ყველაფერს, რომ როგორც სტანდარტების გათვალისწინების კუთხით, ასევე შესაბამისი დაგეგმვისა და ადმინისტრირების თვალსაზრისით იყოს მაღალ დონეზე

ეს არჩევნები რამდენიმე გარემოების გამოა მნიშვნელოვანი და ჩვენ ვაკეთებთ ყველაფერს, რომ როგორც სტანდარტების გათვალისწინების კუთხით, ასევე შესაბამისი დაგეგმვისა და ადმინისტრირების თვალსაზრისით იყოს მაღალ დონეზე, - ამის შესახებ ცენტრალური საარჩევნო კომისიის თავმჯდომარემ გიორგი კალანდარიშვილმა „დღის ქრონიკაში“ განაცხადა.„ეს არჩევნები რამდენიმე გარემოების გამოა მნიშვნელოვანი. პირველი, ალბათ ის არის, რომ ეს არჩევნები ევროკავშირის კანდიდატის სტატუსის ქოლგის ქვეშ პირველად ჩატარდება და რა თქმა უნდა, მნიშვნელოვანია როგორც ქვეყნისთვის, ასევე ჩვენი ინსტიტუციისთვის, რომ შესაბამისი სტანდარტების, კარგი საერთაშორისო პრაქტიკა იყოს გათვალისწინებული, რათა შესაბამისი სტანდარტებით უზრუნველვყოთ არჩევნების ადმინისტრირება. მეორე კუთხით მნიშვნელოვანია ის, რომ პოლიტიკური საარჩევნო სისტემა შეიცვალა და გადავდივართ მხოლოდ პროპორციულ არჩევნებზე. ამ კუთხითაც ამომრჩევლებისთვის საინტერესო იქნება, რომ 26 ოქტომბერს აირჩიონ თავიანთი სასურველი პოლიტიკური გაერთიანება, რომელიც წარმოადგენს მათ ინტერესებს. მესამე და მნიშვნელოვანი, ეს არის ფართომასშტაბიანი ტექნოლოგიური ინტერვენცია, რომელიც რა თქმა უნდა, დიდ გამოწვევას წარმოადგენს ჩვენი ინსტიტუციისთვის, თუმცა, რა თქმა უნდა, ჩვენ ვაკეთებთ ყველაფერს, რომ როგორც სტანდარტების გათვალისწინების კუთხით, ასევე შესაბამისი დაგეგმვა, ადმინისტრირება იყოს მაღალ დონეზე, რაც მთელი ინსტიტუციის დიდ სამუშაოებზე, აქტივობებზე და ჩართულობაზე დგას. ასევე, ადამიანურ რესურსზე, რომელიც მობილიზებულია“,- განაცხადა კალანდარიშვილი.მან ასევე ისაუბრა არჩევნებში სხვა ფაქტორებისა და ინსტიტუციების ჩართულობის მნიშვნელობაზეც.„რა თქმა უნდა, არჩევნებზე ცენტრალური პასუხისმგებლობა არის ცენტრალური საარჩევნო კომისიის დაგეგმარებაზე და შემდგომ აღსრულებული ქვემდგომ კომისიებში, მაგრამ მნიშვნელოვანია აღინიშნოს, რომ არჩვნები საერთო საქმეა და რა თქმა უნდა, ჩვენ ჩვენს პასუხისმგებლობას არ გავურბივართ, მაგრამ მნიშვნელოვანია ამ პროცესში დამკვირვებლების მიუკერძოებელი, ობიექტური, ნეიტრალური დაკვირვება. მნიშვნელოვანია მედიასაშუალებებისგან ამომრჩევლის სწორი ინფორმირება, როგორც სიახლეზე, ასევე, სამზადისზე და სხვა მნიშვნელოვან საკითხებთან დაკავშირებით და რა თქმა უნდა მნიშვნელოვანია ამომრჩევლის აქტიურობა, ჩართულობა, ინფორმირებულობა. ამ ყველა კომპონენტის ჩართულობით განხორციელდება საერთო საქმე, რასაც არჩევნების ჩატარება ჰქვია“, - განაცხადა კალანდარიშვილმა.

1722003635

უკრაინის ელჩი თურქეთში: ცეცხლის შეწყვეტის შემთხვევაში უკრაინის ტერიტორიის 25% რუსეთის ხელში აღმოჩნდება

თურქეთში უკრაინის ელჩმა ვასილ ბონდარმა Euronews-თან ინტერვიუში განაცხადა, რომ თუ ცეცხლის შეწყვეტის შესახებ შეთანხმება გაფორმდება ისე, რომ რუსეთი უკრაინიდან საკუთარ ჯარს არ გაიყვანს, უკრაინის ტერიტორიის 25% რუსეთის კონტროლ ქვეშ დარჩება.„ბევრმა ქვეყანამ ცეცხლის შეწყვეტის იდეა შემოგვთავაზა, მაგრამ არცერთი არ ფიქრობს იმაზე, თუ რას ნიშნავს ეს. ეს ნიშნავს იმას, რომ უკრაინის ტერიტორიის 25% რუსეთის კონტროლ ქვეშ აღმოჩნდება“, - თქვა ელჩმა.დიპლომატის განმარტებით ცეცხლის შეწყვეტის შესახებ შეთანხმება რუსეთს აგრეთვე დროის მოგების საშალებას მისცემს. ის საკუთარ ძალებს გააძლიერებს, რათა შემდეგში უკრაინაზე თავდასხმა განაახლოს.

1722003523

საქართველოსა და სომხეთის პარლამენტების მეგობრობის ჯგუფის წევრებმა ვარძიის სამონასტრო კომპლექსი დაათვალიერეს

საქართველოს და სომხეთის პარლამენტების მეგობრობის ჯგუფის წევრები ვარძიის სამონასტრო კომპლექსს ესტუმრნენ. ორი ქვეყნის საკანონმდებლო ორგანოს წევრებმა ისტორიული ძეგლის შესახებ ინფორმაცია მოისმინეს და სამონასტრო კომპლექსში არსებული ღვთისმშობლის მიძინების ტაძარი, ბერ-მონაზვნებისთვის განკუთვნილი კელიები, სატრაპეზო და ღვინის მარანი დაათვალიერეს.ორი დღის განმავლობაში განხილული საკითხები და მათი მნიშვნელობა სომხეთის რესპუბლიკის პარლამენტთან მეგობრობის ჯგუფის ხელმძღვანელმა გიორგი ვოლსკიმ შეაჯამა.„სომხეთის რესპუბლიკის პარლამენტთან მეგობრობის ჯგუფი უკვე დიდი ხანია არსებობს და ერთმანეთთან ურთიერთობის საკმაოდ კარგი ტრადიცია აქვს. ორი დღის განმავლობაში ახალქალაქსა და ახალციხეში საინტერესო და საქმიანი შეხვედრები გავმართეთ, დღეს კი ვარძიის სამონასტრო კომპლექსი დავათვალიერეთ. საინტერესო თემები მიმოვიხილეთ, მათ შორის ვისაუბრეთ კულტურულ მემკვიდრეობაზე და იმ საკითხებზე, რომელიც ისტორიულად აერთიანებს, აახლოებს ჩვენს ქვეყნებს და მოსახლეობას“, - განაცხადა საქართველოს პარლამენტის თავმჯდომარის პირველმა მოადგილემ.როგორც მეგობრობის ჯგუფის წევრმა, თავდაცვისა და უშიშროების კომიტეტის თავმჯდომარის პირველმა მოადგილემ თენგიზ შარმანაშვილმა განაცხადა, მეგობრობის ჯგუფების ორმხრივი ვიზიტები თანამშრომლობის კარგი ფორმატია.„აღსანიშნავია, რომ საპარლამენტო დელეგაციები მაღალი რანგით არიან წარმოდგენილი და მეგობრობის ჯგუფებს ყოველთვის პარლამენტის თავმჯდომარის მოადგილეები ხელმძღვანელობენ.ვიზიტის ფარგლებში საინტერესო შეხვედრები გაიმართა, ჩვენი სომეხი კოლეგებისგან მათ ქვეყანაში მიმდინარე პროცესებზე ბევრი სიახლე მოვისმინეთ, საერთაშორისო მოვლენებთან დაკავშირებით აზრები გავცვალეთ. ასევე ვისაუბრეთ კულტურული და ეკონომიკური თანამშრომლობის მიმართულებებზე“, - განაცხადა თენგიზ შარმანაშვილმა.გიორგი ვოლსკიმ სომეხ კოლეგას, სომხეთის რესპუბლიკის ეროვნული ასამბლეის თავმჯდომარის მოადგილეს, სომხეთი-საქართველოს საპარლამენტო მეგობრობის ჯგუფის ხელმძღვანელს, რუბენ რუბინიანს ორი დღის განმავლობაში სამცხე-ჯავახეთის რეგიონში უმასპინძლა.

1722003309

გია აბაშიძე თეონა აქუბარდიაზე - რადიკალური ოპოზიციონერები რომ უპრინციპოები არიან, არაა ახალი ამბავი. ამგვარ არსებებს არ ეხამუშებათ, რომ ჭიჭე ვასაძის სიით მოხვდნენ პარლამენტში და ახლა კიდევ უფრო მყრალ ჭაობში აპირებენ წიაღსვლებს

 ანალიტიკოსი გია აბაშიძე ოპოზიციონერი წევრის, თეონა აქუბარდიას განცხადებას ეხმიანება, რომელიც პარლამენტის თავმჯდომარეს პასუხობს და აცხადებს, რომ პაპუაშვილმა მისი ყალბი ციტატა წაიკითხა, თითქოს ის საბრძოლო ტექნიკის გადაცემას ითხოვდა უკრაინისთვის.სინამდვილეში, აქუბარდია 2022 წლის 24 მაისს აცხადებდა, რომ „ლაზიკა“, „დიდგორი“ - ქართული წარმოების ჯავშანმანქანებისა და სხვადასხვა ამუნიციის სიმბოლური რაოდენობის გადაცემაც კი საკმარისი იქნებოდა, მხარდაჭერის გამოსახატავად“. როგორც აბაშიძე აღნიშნავს, რადიკალური ოპოზიციონერები რომ უპრინციპოები არიან, არაა ახალი ამბავი.„რადიკალური ოპოზიციონერები რომ უპრინციპოები არიან, არაა ახალი ამბავი. თავის დროზე ვითომ განათლებულ თეონა აქუბარდიასთანაც ვიკამათე და მერე? პოლიტიკური "აქუ-ჯანგოიზაცია" ვერ მოშორდა ამ სუბიექტსაც, რომელიც ნაცსიაში წამყვანი პოზიციონერებისთვის ყველაფერზეა წამსვლელი. ამგვარ არსებებს არ ეხამუშებათ, რომ ჭიჭე ვასაძის სიით მოხვდნენ პარლამენტში და ახლა კიდევ უფრო მყრალ ჭაობში აპირებენ წიაღსვლებს“. - წერს გია აბაშიძე.

1722002700

ირაკლი ქადაგიშვილი: ეს არ არის არჩევანი ევროპასა და რუსეთს შორის, საქართველო არ მიისწრაფვის რუსეთისკენ, საქართველო მიისწრაფვის, რომ ევროპისკენ მიმავალ გზაზე რუსული აგრესია არ განმეორდეს

„ეს არ არის არჩევანი ევროპასა და რუსეთს შორის, ერთი ელემენტარული მიზეზის გამო. საქართველო არ მიისწრაფვის რუსეთისკენ, საქართველო მიისწრაფვის, რომ ევროპისკენ მიმავალ გზაზე რუსული აგრესია არ განმეორდეს და ამით საქართველოს არა მარტო ევროპისკენ მიმავალი გზა არ ჩაეხერგოს, არამედ ჩვენი ქვეყანა ძალიან მნიშვნელოვანი დაზიანების და განადგურების საშიშროების წინაშე არ აღმოჩნდეს“, - ამის შესახებ საპროცედურო საკითხთა და წესების საპარლამენტო კომიტეტის თავმჯდომარემ ირაკლი ქადაგიშვილმა „დღის ქრონიკასთან“ ისაუბრა.მისი თქმით, ოპოზიციის წინასაარჩევნო ნარატივი, რომ მოსახლეობამ 26 ოქტომბერს არჩევანი უნდა გააკეთოს ევროპასა და რუსეთს შორის ისეთივე გახუნებული რიტორიკას, როგორიც იყო ლოზუნგი „არა რუსულ კანონს“.„როდესაც არჩევანი არის მშვიდობასა და ომს შორის, მშვიდობა სწორედ ნიშნავს კეთილდღეობას, ღირსებას, განვითარებას და ამით ხდება რეალურად ევროპაში შესვლა. და არა იმით, რომ ამ გამოკიდებული, გახუნებული ლოზუნგით „არა რუსულ კანონს“ უნდათ საზოგადოება, ხალხი დააჯერონ, რომ თითქოს ეს არის გზა რუსეთისკენ. და ეს, რომ ასე არ არის, მათი რიტორიკაც ყველაზე კარგად შიფრავს, მათსავე წინა წლების და წინა თვეების რიტორიკას, როდესაც ისინი მოითხოვდნენ რუსეთისათვის პირდაპირი სანქციების დაწესებას, საქართველოს მთავრობის მოთხოვნით მოხალისეების გაგზავნას უკრაინაში. როდესაც ისინი აბრალებდნენ საქართველოს, რომ საქართველო არის საერთაშორისო სანქციების გვერდის ავლის ადგილი და საერთოდაც იარაღითაც ამარაგებს. ანუ ყველაფერს აკეთებდნენ იმისთვის, რომ საქართველო დაეზიანებინათ. კონფრონტაციული ფონი შექმნილიყო რუსეთთან, რომელიც რა თქმა უნდა, ძალიან მძიმე, არა მარტო ეკონომიკური, შეიძლება სამხედრო აგრესიითაც დასრულებულიყო“,-განაცხადა ირაკლი ქადაგიშვილმა.მისივე თქმით 26 ოქტომბრის არჩევნები არის არჩევანი „მშვიდობასა და ომს“ შორის.

1721939892

რატომ არ შეიძლება სასაფლაოზე ვარდების დარგვა

ადამიანებს აქვთ მიზეზები, თუ რატომ არ რგავენ ვარდებს სასაფლაოებზე. მათ მხარს უჭერს ცრურწმენაც: თქვენმა ქმედებებმა შეიძლება ზიანი მიაყენოს გარდაცვლილ ნათესავებს. ჩვეულებრივი ამბავია საფლავზე წესრიგის დაცვა და ახალი ყვავილებით გაფორმება. მაგრამ ლეგენდის თანახმად, ვარდების დარგვა ყველგან არ შეიძლება.ლეგენდა იმის შესახებ, თუ რატომ არ ირგვება ვარდები ყველა საფლავზევარდი ითვლება ყვავილების დედოფლად. მე-19 საუკუნის შუა ხანებში გამოყვანის შემდეგ, ბაღებსა და სათბურებში მნიშვნელოვანი ადგილი დაიკავა. სასაფლაოებზე ჩვეულებრივი ამბავია ახალი მრავალწლიანი ყვავილების დარგვა, რომელსაც ყოველწლიურად არ უნდა დათესვა. მაგრამ ვარდებს იშვიათად ნახავთ. ამასთან ასოცირდება ცრურწმენა, რომ მათმა ეკლებმა შეიძლება უხერხულობა გამოიწვიოს სულებში. ისინი შეაწუხებენ მათ იმიერ სამყაროში და არ მისცემენ უფლებას უსაფრთხოდ მოინახულონ თავიანთი ნათესავები დედამიწაზე.ძველად გაჩნდა ლეგენდა შეყვარებულ ახალგაზრდაზე, რომელიც გარეგნულად ლამაზი იყო და საცოლე ჰყავდა. მაგრამ მისი ცხოვრება ხანმოკლე იყო: ის გარდაიცვალა მკვლელის ხელით. მისი საყვარელი ძალიან წუხდა დაკარგვის გამო და ყოველდღე მიდიოდა საფლავზე. საფლავის ქვასთან იჯდა, მისი ცრემლები მიწაზე იღვრებოდა. ღმერთს შეებრალა იგი და ცეცხლმოკიდებული ცრემლების ადგილას ვარდები ამოიზარდა.რა ყვავილებს რგავენ სასაფლაოზე?მსოფლიოს სხვადასხვა ქვეყანას აქვს სასაფლაოების და საფლავების მოწყობის საკუთარი ტრადიციები.სასაფლაოზე ძირითადად მრავალწლოვანი ყვავილები ირგვება, რომლებიც უფრო ადვილად უძლებენ არასასურველ ამინდს და განსაკუთრებულ მოვლას არ საჭიროებს. გარდა ამისა, უნდა დაიცვათ გარკვეული შეზღუდვები, რათა არ გადააქციოთ საფლავი სათბურად.უპირველეს ყოვლისა, ეს არის მწუხარების ადგილი, ამიტომ არ ირგვება მაღალი ბუჩქები, რომლებსაც შეეძლოთ ძეგლის ან ჯვრის დაფარვა. არ უნდა დარგოთ ძალიან ნათელი ყვავილები. ამ მხრივ, ვარდები, პეონი და ქრიზანთემები არასასურველია.მწუხარების ყვავილები ყვითელი და ღია წითელი ფერისაა, ასე რომ თქვენ შეგიძლიათ დარგოთ მიმოზა, შროშანები, ნარცისები, ტიტები, მიხაკები, კროკუსები.  თქვენ ასევე შეგიძლიათ დარგოთ გარდაცვლილის საყვარელი ყვავილები საფლავზე მისი ხსოვნის მიზნით.სასაფლაოებზე ხელოვნური ყვავილები არ არის მისასალმებელი. თუ ცოცხალი ყვავილები არ გაქვთ დარგული, მაშინ, როცა საფლავის მოსანახულებლად მიხვალთ, შეგიძლიათ რამდენიმე ცოცხალი ყვავილიც წაიღოთ.