„ზოგჯერ, ყოფილები ძლიერ ილუზიებში იმყოფებენ თავს...“ - ალექსანდრა პაიჭაძე

„ცოლიანი კაცები რატომ მისტირიან ყოფილებს, მაგრამ მაინც ცოლებთან არიან?“, - ამ კითხვით მოდელსა და ყოფილ ტელეწამყვანს, ალესანდრა პაიჭაძეს გამომწერმა მიმართა, რაც მან შემდეგნაირად განმარტა:

„ზოგჯერ, ყოფილები ძლიერ ილუზიებში იმყოფებენ თავს. შესაძლოა, უბრალოდ მოიწყინა მეუღლესთან და ყოფილთან სიახლოვე გასართობად იოლია. შეიძლება, ცოლი მართლაც ყოფილის ტრავმებისგან გაუცნობიერებლად მოიყვანა და გვიან გააანალიზა, რეალურად ვინ უფრო სურს. შეიძლება ის, შეიძლება ეს, მაგრამ კაცებისთვის საომრად გასვლა გინდა რეალურად, გინდა ფანტაზიებში საერთოდ არ ღირს. მან არჩევანი გააკეთა და ახლა ისევ გეტორღიალება თუ არა, უკვე ნუღარ აგაღელვებს. წინ იარე.“ - წერს ალექსანდრა პაიჭაძე.