„შევეცადე ამეხსნა, ისე, როგორც ჩემ დაქალს ავუხსნიდი“ - ალექსანდრა პაიჭაძე გამომწერებს მიმართავს

მოდელი და ტელეწამყვანი ალექსანდრა პაიჭაძე  სოციალურ ქსელში წონის კლების შესახებ საუბრობს და მომხმარებელს მომატებული წონის დაგდების მეთოდს სთავაზობს.

„ძალიან გავხდი, არ მქონდა გეგმაში, თუმცა მაინც კომფორტულად ვარ, ისევე, როგორც ძალიან მომატებულზე… ჩემი თავის იმედი მაქვს ხოლმე და მაგიტომ, მოვინდომებ მოვიმატებ, მოვინდომებ გავხდები. წონის შენარჩუნება/კლებაში მეხმარება ჩემი რეჟიმი, რომელიც 18 წლიდან გრძელდება, 18-20-22-საათიანი ინტერვალი კვებებს შორის. საჭმელზე ბევრი რომ არ ვიფიქრო, ძალიან დაკავებულობა მეხმარება, სამსახური იქნება, ჰობი, ვარჯიში თუ შვილები, სულ ვიპოვი მიზეზს რომ ბევრი არ მივირთვა.

ან მე თვითონ შევქმნი ხელოვნურად. მოკლედ, რისი თქმა მინდა, იმედია, სწორად გაიგებთ. გახდომის მსურველებმა არ ჭამოთ-მეთქი, არ ვამბობ. არ ჭამოთ ბევრი, ხშირად, ცხიმიანი...

ნევროზული სიმსუნაგის მიზეზები ხშირად გონებიდან მოდის, თუ შიგნით რაღაც ისე არ არის ემოციურად დალაგებული, მაშინ ძალიან გვინდება ხოლმე ჭამა, როცა ლაგდება თავის ადგილზე ემოციური და ფსიქოლოგიური ხარვეზები, მაშინ ამ მიზეზით გამოწვეული კვებისკენაც არ მივიწევთ.

ხოდა, ამიტომ, როცა ჩემი საყვარელი გოგოები მეკითხებიან, მალე როგორ დავიკლოო, ვეუბნები, წადი 1-2 გემრიელი სეანსი გაიარე ფსიქოთერაპევტთან, ამოყარე ემოციური ბლოკები, გახსენი კვანძები, გათავისუფლდი და ნახავ, როგორ უმტკივნეულოდ დაგემორჩილება ორგანიზმი და სხეული-მეთქი. ძალიან აადვილებს ცხოვრებას ფსიქოთერაპია, თქვენივე გულწრფელობის და აღიარებების გამოთქმა გულიდან…. შევეცადე, დამეღეჭა და ისე ამეხსნა, ისე, როგორც ჩემ დაქალს ავუხსნიდი. გაკოცეთ…“ - წერს პაიჭაძე.

ასევე დაგაინტერესებთ: 

👉 „მიხედეთ საკუთარ ძვირფას თავს, ფსიქიკას, ჯანმრთელობას, სხეულს და მერე დანარჩენ ყველა სხვას!“ - ნახეთ ვის მიმართავს ალექსანდრა პაიჭაძე

👉„ერთხელაც კარზე მოგიკაკუნებთ სასამართლო უწყება... ყველა ჩემნაირად ვერ დაიკიდებს თქვენ საშინელ კომენტარებს“ - ვისზე წერს ალექსანდრა პაიჭაძე

👉„სხვა სიხშირეზე აგვსვა ამ ადგილმა“ - რა ფოტოს აქვეყნებს ალექსანდრა პაიჭაძე მონასტრიდან

👉„ძირს მოძალადე კაცებიო, რომ ვწერთ ხოლმე, საიდან „გაიჩითნენ? ეგ კაცები?“... - ალექსანდრა პაიჭაძე

👉უფრო თავდაჯერებულები რომ გამოჩნდეთ ... - რჩევები ალექსანდრა პაიჭაძისგან