რაზეა დამოკიდებული თქვენი ძაღლის ხასიათი - ახალი კვლევა

მასაჩუსეტსის უნივერსიტეტის მეცნიერები იმ დასკვნამდე მივიდნენ, რომ ძაღლის ხასიათი მის ჯიშზე არაა დამოკიდებული. კვვლევის შესახებ The Guardian-ი წერს.

კვლევის ავტორებმა 78 ჯიშის 2 100 ძაღლის გენომი შეისწავლეს და გამოკითხეს 18,3 ათასი ძაღლის პატრონები, რომლებსაც საკუთარი ძაღლების ხასიათის 8 მთავარი თვისება უნდა დაესახელებინათ.

შედეგებმა აჩვენა, რომ ხასიათის თვისებების მხოლოდ 9% გამომდინარეობს კონკრეტული ჯიშისადმი კუთვნილებით, 90%-ზე მეტი კი გენებში სხვადასხვა დროს მომხდარ მუტაციებს უკავშირდება.

„უმეტესწილად, ჩვენ არ ვნახეთ ძლიერი განსხვავებები ჯიშებში, მაგრამ არის ზოგიერთი [ქცევა], რომელიც უფრო მეტად არის დაკავშირებული ჯიშებთან, ვიდრე სხვები,” - თქვა ერთ-ერთმა მეცნიერმა. 

მიუხედავად იმისა, რომ არცერთი ქცევა არ იყო ექსკლუზიური ერთი ჯიშისთვის, ყეფა უფრო ხშირი იყო ბიგლებს შორის, ხოლო ლაბრადორ რეტრივერები უფრო „ადამიანებთან კომუნიკაბელური“ ან უცნობებთან კომფორტული ქცევით გამოირჩეოდნენ.